Lajme

Kajtazi: Kurti ka bërë disa gabime, draft-statuti i Asociacionit shkaktoi tronditje në opinion

Autori: Gazeta inFokus 21:25 | 03 Maj 2023

Gazetari Vehbi Kajtazi ka folur për draft-statutin e prezantuar mbrëmë në Bruksel për çështjen e Asociacionit, nga ana e ekipit menaxhues.

Sipas tij, “ky ekip menaxhues nuk ka pikë sot prej qielli, por është krijuar nga zëvendëskryeministri Goran Rakiq më 25 shtator të vitit 2020, në kohën kur Avdullah hoti ka qenë kryeministër”.

“Emrat janë ditur, pozicioni i kësaj zonje është ditur, është ditur që është deputete në Kuvendin e Serbisë, por është injoruar dhe nuk janë marrë seriozisht me këtë ekip dhe si pasojë kemi një propozim që ka shkaktuar këtë lloj tronditje në opinion, por menaxhohet, s’është hera e parë që ka pasur kësi përplasje në Bruksel”, tha ai sonte në Rubikon të Klan Kosovës.

-Advertisement-

Kajtazi shprehet se mbi bazën e këtij dokumenti do të zhvillohen negociatat. Ai shton se pikënisja është ekstreme dhe gjithmonë ka qenë kështu.

“Ekstreme ka qenë edhe kur janë nisur negociatat, arrihet një marrëveshje, s’ka ndryshe”, tha ai, teksa u shpreh se qeveria dhe kryeministri Kurti i kanë bërë disa gabime që duhet t’i shmangte.

Kjo pasi siç shpjegoi Kajtazi, ekipi menaxhues nuk ia ka prezantuar së pari Qeverisë së Kosovës draft-statutin e Asociacionin, por veç gjatë negociatave në Bruksel.

“Në themelimi ne këtij dokumenti të ekipit menaxhues, thuhet se dokumenti i prezantohet MAPL, kjo nuk ka ndodhur. Ky dokument është prezantuar në Bruksel, kam drojë se Kurti e ka parë për herë të parë mbrëmë. Kjo është e keqja. Një ekip i themeluar nga Qeveria, paguar dhe financuar nga Qeveria, me iu prezantu kryeministrit njeriu që udhëheq shtetin, me i ra sikur turinjëve, me mbet në këtë pozicion, është keq për të e për ne”, shtoi ai.

“Është dashur në momentin që kanë nisur negociatat, është dashur me pasë parasysh se ka me mbërri në këtë pikë”.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy