Nga e hëna, qytetarët të cilët ja mësyjnë kafiterive në kryeqytet duhet të jenë të pajisur me dëshmi të tillë njëjtë sikurse ata që nisen drejt Zvicrës.

Asnjë person nuk mund të hyjë në kafe apo restorant pa një dëshmi që është i vaksinuar apo që nuk ka një test PCR ose serologjik.

Kështu ka njoftuar, ministri i shëndetësisë, Arben Vitia, gjatë raportimit para Komisionit për Shëndetësi, shkruan Gazeta Infokus.

-Advertisement-

“Në masat që jemi duke hartuar tani edhe në gastronomi të aplikohet nga data 27 shtator të aplikohen masa kufizuese vetëm me certifikatë të vaksinimit, me test PCR dhe me test serologjik. Shoqata e Gastronomeve është treguar bashkëpunuese në këtë drejtim. Me këto shifra, një masë e tillë nuk është më pengesë as për sektorin e gastronomisë”, tha Vitia.

Derisa gastronomët thonë se kjo masë është kërkuar më herët nga ta.

Sekretari i Shoqatës së Gastronomëve, Arian Vranica madje i ka quajtur të vonshëm një vendim të tillë.

“Ne faktikisht kemi propozuar shumë herët këtë masë dhe kemi qenë të vullnetshëm , qysh e kemi mbështetur fushatën vaksinimi e cila ka shkuar shkëlqyeshëm në sektorin e gastronomisë, Ne po ashtu kemi kërkuar para më shumë se një muaj që të bëhet një masë e tillë, por nuk ka pasur vullnet nga institucionet e vendit, prandaj na e shohim si të vonshme masën nga Qeveria”, ka thënë Vranica për Infokus.

Por ata kanë një kërkesë tjetër nëse fillon të zbatohet kjo masë.

“Ne kemi propozuar edhe më herët këtë masë, tash i kemi dërguar propozimin edhe Ministrisë së Shëndetësisë, poashtu edhe IKSHPK-së në rast që të bëhen kufizime të tille nuk do të ketë ndalesë për kapacitet e brendshme të gastronomisë për hapësirat e brendshme. Në rast që nuk do të ketë dëshmi do të vlejnë rregullat qysh kanë qenë më herët ku në hapësirat e brendshme sot ë jenë 5 persona në 10 metra kastorë, tavolinat të mund të ulen vetëm katër persona”, deklaroi Vranica.

Ndryshe, lokalet e gastronomisë me vendimin e fundit të Qeveris nuk iu lejohet të punojnë në hapësirat e brendshme. Qytetarët mund të shërbehen vetëm jashtë hapësirave të tyre./Gazeta Infokus/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-