Kadaj-Bujupit i ndalohet komunikimi me familjen, KMDLNj sqaron rastin
Autori: Gazeta inFokus
12:27 | 19 December 2017
Këshilli për Mbrojtjen e të Drejtave dhe Lirive të Njeriut (KMDLNJ) ka lëshuar në njoftim për media lidhur me ndalesën që i është bërë deputetes Donika Kadaj-Bujupi për komunikim me telefon me familjen e saj.
KMDLNj sqaron se gjatë qëndrimit në Qendër të Paraburgimit dhe me status të të paraburgosurit nuk është përgjegjësi apo kompetencë e Qendrës së Paraburgimit dhënia apo mosdhënia e lejes për biseda telefonike personave të paraburgosur por se kjo është kompetencë ekskluzive e Gjykatës apo Gjykatësit që e trajton lëndën.
Lexoni të plotë njoftimin e KMDLNj-së:
“Për të paraburgosurit Gjykata lejon apo e mohon të drejtën për bisedat telefonike
Pas një informate se deputetes Donika Kadaj – Bujupi, tash e paraburgosur në Qendrën Korrektuese për të Mitur dhe Femra në Lipjan, nuk i lejohet komunikimi me telefon me familjen, KMDLNj ka kërkuar informata dhe sqarime nga drejtori i kësaj qendre nëse e paraburgosura po trajtohet në përputhje me Ligjin për Ekzekutimin e Sanksioneve Penale.
Në përgjigje zyrtare të drejtorit , Heset Loku thuhet se ndaj të paraburgosurës janë dhe po zbatohen në përpikëri të gjitha dispozitat e LESP për trajtimin e personave të paraburgosur dhe se e paraburgosura nuk ka asnjë vërejtje, kërkesë apo ankesë për trajtimin e saj përveç kufizimeve që i bëhen në komunikim me familjen përmes telefonit që është i vendosur në këtë qendër dhe i cili është në shfrytëzim të personave të privuar nga liria nëse këta e kanë këtë të drejtë përjashtuar rastet kur kanë kufizime nga gjykatësi i procedurën paraprake.
Gjithnjë sipas përgjigjes së QKL dërguar KMDLNj –së, e paraburgosura Donika Kadaj – Bujupi është pranuar në këtë qendër me datë 24.11.2017 dhe të njëjtën ditë, sipas procedurave, QKL i ka parashtruar Gjykatës Themelore në Prishtinë kërkesën që të paraburgosurës t’i lejohet biseda telefonike me familjarët e saj dhe se kjo kërkesë është refuzuar nga Gjykata Themelore po të njëjtën ditë.
Më 27.11.2017 e paraburgosura Donika Kadaj – Bujupi përsëri është pranuar në QKL dhe kjo qendër e ka ripërsëritur kërkesën për lejimin e bisedës telefonike me familjen e saj por se përsëri është refuzuar nga Gjykata Themelore.
KMDLNj sqaron për opinionin se gjatë qëndrimit në Qendër të Paraburgimit dhe me status të të paraburgosurit nuk është përgjegjësi apo kompetencë e Qendrës së Paraburgimit dhënia apo mosdhënia e lejes për biseda telefonike personave të paraburgosur por se kjo është kompetencë ekskluzive e Gjykatës apo Gjykatësit që e trajton lëndën në të cilin përfshihet apo përfshihen personi apo personat që janë nën hetime, që iu është ngritur akuza apo që janë duke u gjykuar. Qendra e Mbajtjes apo ajo e Paraburgimit është e detyruar ta zbatojë vendimin e Gjykatës dhe në rastin konkret nuk mund të flitet për shkeljen e të drejtave të njeriut të personave të privuar nga liria nga ana e Qendrës Korrektuese në Lipjan sepse Gjykata Themelore ka marrë vendim kufizues për bisedat telefonike.
KMDLNj , në bazë të monitorimit që e bënë në këtë Qendër konstaton se trajtimi është i mirë dhe në përputhje të plotë me Ligjin për Ekzekutimin e Sanksioneve Penale përkundër vështirësive objektive me të cilat përballet kjo qendër në veçanti sikur edhe Shërbimi Korrektues, në përgjithësi. Këto kushte dhe vështirësi ndikojnë edhe në punën e stafit korrektues i cili në jo pak raste punon në kushte të vështira që ndikon në efikasitetin e punës.
KMDLNj e ripërsërit kërkesën që të sigurohen kushte më të mira të punës për stafin korrektues, punëtorët e administratës dhe personelit tjetër brenda Shërbimit Korrektues të Kosovës”.

T� tjera
-
Zulfaj reagon pas interpretimit të këngës nacionaliste serbe në Forumin e Zgjerimit të BE-së: Skandaloze dhe e papranueshme
Kryenegociatori i Kosovës me Bashkimin Evropian, Jeton Zulfaj, ka reaguar pas...
-
Koncerti i zgjerimit në Bruksel me këngën nacionaliste serbe, “Oj Kosovo, Kosovo”, Ambasadori Bajrami: KE të jap sqarime menjëherë
Ambasadori i Kosovës në Bruksel, Agron Bajrami ka reaguar pasi në koncertin h...
-
Pranim-dorëzimi i detyrës nga Haxhiu te Shiroka-Pula u bë me nje rregullore te re, NDI: Kosova e para në BP që e miratoi këtë kornizë
Damon M. Wilson nga NED Democrasy, ka vlerësuar Kosovën për miratimin e rregu...
-
Kurti përmbledh vizitën në Francë dhe Irlandë: U pritëm dy herë në Pallatin Élysée, takova Macronin dhe zyrtarë të lartë të shteteve
Kryeministri i Kosovëa, Albin Kurti, ka publikuar pamje nga vizitat e tij në ...
-
Skandal në Bruksel: Kënga nacionaliste serbe “Oj Kosovo, Kosovo” interpretohet në prag të Forumit të Zgjerimit të BE-së
Një ngjarje skandaloze është shënuar në Bruksel, në prag të edicionit të dytë...
-
Mbi 5,200 fluturime të prekura në SHBA për të tretën ditë radhazi, pritet rikthimi në normalitet të hënën
Ndërprerjet në trafikun ajror në Shtetet e Bashkuara kanë vazhduar për të tre...
-
Islami: Lista Studentore, në vazhdën e politikës së Serbisë kundër shtetësisë së Kosovës
Profesori i shkencave të sigurisë, Avni Islami, ka vlerësuar se takimi i përf...
-
Kandiq: Serbia duhet të përballet me faktet për krimet ndaj shqiptarëve në Kosovë
Aktivistja e njohur për të drejtat e njeriut në Serbi, Natasha Kandiq, ka rea...
-
Zelensky u bën thirrje SHBA-së dhe Muskut të heqin kufizimet e Starlink-ut dhe të rreshtohen në “anën e duhur të historisë”
Një shërbim thelbësor amerikan i internetit përmes satelitit vazhdon të funks...
-
Kurti bën bilancin e një jave jashtë shtetit, në Francë e Irlandë: U pritëm dy herë në Pallatin Elysse…
Kryeministri i Kosovëa, Albin Kurti, ka publikuar pamje nga vizitat e tij në ...
-
Jensen Huang dha dorëheqjen pas aferës me spiunen kineze, Sekretari amerikan i Thesarit: Nvidia duhet të dalë jashtë kompanisë për CEO-n e ri
Sekretari i Thesarit të SHBA-së, Scott Bessent, tha të dielën se Nvidia duhet...
-
E rëndë, edhe djali i viktimës nga Peja në gjendje kritike për jetën
Aksidenti tragjik në magjistralen Rozhajë–Beranë të Malit të Zi, ku humbi jet...

































