Lajme

“Ka punuar me Angela Merkel”, Rama prezanton këshilltarin për ekonominë dhe financat

Autori: Gazeta inFokus 16:26 | 11 December 2022

Kryeministri Edi Rama ka bërë të ditur se Lars-Hendrik Röller do të jetë tashmë këshilltar i kryeministrisë për ekonominë e financat.

Ai përmes një postimi në Facebook, ku ndau dhe një foto me të, bëri të ditur se Röller ka shërbyer si Kryekëshilltar Ekonomik i kandelares Angela Merkel, ndërsa prej disa muajsh, ka marrë postin e Drejtorit të Bordit të Investimeve të BlackRock-ut, kolosi multinacional me qendër në Shtetet e Bashkuara.

“Kënaqësi e privilegj i veçantë që na bashkohet në rrugën tonë, si këshilltar i kryeministrisë për ekonominë e financat, Lars-Hendrik Röller, me të cilin patëm dy ditë intensive diskutimesh shumë të dobishme.

-Advertisement-

Lars-Hendrik Röller drejtoi politikat ekonomike dhe financiare të Kancelerisë Gjermane nga viti 2011 e deri në pranverën e këtij viti, duke mbuluar për një dekadë edhe rolin e Kryekëshilltarit Ekonomik të kancelares Angela Merkel. Në këtë rol drejtoi ndër të tjera edhe ekipin e negociatorëve gjermanë në forumet G7 dhe G20.

Prej disa muajsh ai ka marrë postin e Drejtorit të Bordit të Investimeve të BlackRock-ut, kolosi multinacional me qendër në Shtetet e Bashkuara, që menaxhon fondin më të madh në botë me rreth 10 trilionë USD”, shkruan Rama në Facebook.

Subscribe në YouTube: GAZETA INFOKUSI