Lajme

Juventus nis autobusë për refugjatët në Ukrainë, shpëtohen fëmijët 6-14 vjec!

Autori: Gazeta inFokus 13:15 | 14 March 2022

Përmes një gjesti prekës, klubi Italian i futbollit, Juventus nisi autobusë drejt qytetit hungarez të Zahonit për të marrë atje 80 ukrainas që i janë larguar luftës, shumica fëmijë të moshës nga 6 deri në 14 vjec.

Disa prej këtyre fëmijëve ishin pjesë e shkollave të futbollit në Kiev, Kharkhiv dhe zona të tjera të bombarduara sot nga forcat ruse. Përveç kësaj, autobusët do të dërgojnë edhe ushqime, ilaçe e veshje për personat e tjerë të ndodhur në kufi.

Më shumë se 1.75 milion njerëz janë larguar nga Ukraina në Poloni, që nga fillimi i luftës, pohoi sot Agjencia e Gardës Kufitare polake.Megjithatë, jo të gjithë prej tyre mendohet se janë aktualisht në Poloni.

-Advertisement-

Sipas autoriteteve atje, rreth një milion refugjatë mbeten në këtë vend, ndërsa të tjerët janë larguar tashmë në shtete. Vetëm të dielën, kufirin e kaluan mbi 82.000 persona.Polonia është vendi me numrin më të madh të refugjatëve ukrainas, ndërsa destinacione të tjera për ta janë edhe Rumania, Moldavia, Sllovakia etj.

Kombet e Bashkuara kanë thënë se numri total i refugjatëve ukrainas ka arritur në gati 2.7 milionë.Shifra e të zhvendosurve të dielën është rritur për më shumë se 100,000 krahasuar me një ditë më herët.Shefi i Agjencisë së OKB-së për Refugjatë, Filippo Grandi, ka thënë se ky është eksodi më i madh i refugjatëve në Evropë që prej Luftës së Dytë Botërore.

Subscribe në YouTube: GAZETA INFOKUSI
Etiketa:
BKS-ja kërkon nga Institucionet që sigurimi për bujqit të bëhët obligativ

Të tjera

Fokusi

lajme