Sport

Joshua i paralajmëron Wilderin dhe Furyn rreth përballjes: Nuk jam kampion që iki

Autori: Gazeta inFokus 21:09 | 09 December 2019

Anthony Joshua e ka paralajmëruar Deontay Wilderin dhe Tyson Fury se është i gatshëm që të përballet.

Britaniku i ktheu nën pronësi titujt e botës që i kishte marrë Andy Ruizi në qershor të këtij viti, me përballjen që u zhvillua në fundjavën që shkoi në Arabinë Saudite.

Tyson Fury dhe Deontay Wilder do ta zhvillojnë rimeçin e tyre në WBC në fillim të vitit 2020, por pas kësaj, duan të përballen me Joshuan.

-Advertisement-

Anthony Joshua (Foto: Richard Heathcote/Getty Images/Guliver)

Britaniku i ka paralajmëruar që të dy, duke thënë se ai nuk është një kampion që ik dhe do të përballet me fituesin ku të dëshirojë.

“Do të dëshiroja që kjo të jetë përballja ime e radhës”, ka thënë ai kur është pyetur për ballafaqimin me Furyn ose Wilderin në një intervistë për Good Morning Britain.

Anthony Joshua vs Andy Ruiz (Foto: Richard Heathcote/Getty Images/Guliver)

“Jam duke shkuar hap pas hapi. Kur ata të jenë gati, ata e dinë ku më gjejnë”.

“Nuk jam një kampion që iki, jam dikush që dua të përballem me më të mirët në botë”.

“Deontay Wilder, Tyson Fury, me këta persona. Do ta adhuroja mundësinë që t’i mposhti Wilderin dhe Furyn”, ka thënë më tej Joshua.

Përballja e britanikut me njërin prej tyre pritet që t’i thyej të gjitha rekordet e të ardhurave dhe shikimeve në histori të boksit.

Subscribe në YouTube: GAZETA INFOKUSI

Të tjera

Fokusi

sport