Presidenti amerikan Joe Biden do të flasë sot me vendet transatlantike të NATO-s, mes frikës se pushtimi i Ukrainës nga Rusia mund të nisë shumë shpejt.

Ndërkohë, liderët perëndimorë mblidhen në Mynih mes pretendimeve të ripërtërira për bombardime në Ukrainën Lindore.

Biden dhe Sekretari i Shtetit, Antony Blinken, kanë paralajmëruar se Rusia mund të jetë në prag të pushtimit të Ukrainës mes një dështimi të dukshëm për të tërhequr trupat nga ana e saj e kufirit dhe akuzave për një operacion të mundshëm me flamur të rremë në lindje të Ukrainës, transmeton Klankosova.tv.

Sekretari i Përgjithshëm i NATO-s, Jens Stoltenberg, shprehu gjithashtu shqetësim se Rusia mund të përpiqet të “inskenojë një pretekst” për një sulm ndaj Ukrainës pas raporteve për bombardime në Lindjen e goditur nga konflikti.

Ministrja e Jashtme e Gjermanisë, Annalena Baerbock, ka lëshuar një deklaratë para konferencës së sigurisë në Mynih që fillon sot. Ajo kritikon Rusinë për “kërkesat e saj të luftës së ftohtë” dhe për refuzimin për të marrë pjesë në takim.

Udhëheqësit globalë po udhëtojnë në qytetin jugor të Gjermanisë për të zhvilluar bisedime mbi krizën në Ukrainë.

Të pranishëm do të jenë sekretari amerikan i shtetit, Antony Blinken dhe zëvendëspresidentja, Kamala Harris, së bashku me kancelarin gjerman, Olaf Scholz, sekretarin e jashtëm të Mbretërisë së Bashkuar, Liz Truss dhe presidentin e Ukrainës, Volodymyr Zelenskiy.

Aty do të jenë gjithashtu shefi i OKB-së Antonio Guterres, kryetarja e Komisionit të BE-së Ursula von der Leyen dhe shefi i NATO-s Jens Stoltenberg.

Ministrat e jashtëm të vendeve të Grupit të Shtatë (G7) do të flasin gjerësisht gjatë konferencës katër-ditore, duke diskutuar përpjekjet për ta bërë Rusinë të de-përshkallëzojë dhe mënyrat për të forcuar sigurinë evropiane.

Baerbock tha në një deklaratë:

“Me një dislokim të paprecedentë të trupave në kufirin me Ukrainën dhe me kërkesat e luftës së ftohtë, Rusia po sfidon parimet themelore të rendit evropian të paqes.

Sot po udhëtoj për në Mynih për të diskutuar se si mund t’i kundërvihemi ende logjikës së kërcënimeve të dhunës dhe përshkallëzimit ushtarak me logjikën e dialogut.

Është një humbje që Rusia nuk po e shfrytëzon këtë mundësi.

Moska duhet të tregojë “hapa seriozë drejt de-përshkallëzimit.

Sponsoruar