Lajme

Jill Biden e përfundon vizitën katër ditore në Evropë

Autori: Gazeta inFokus 13:15 | 09 May 2022

Zonja e Parë e Shteteve të Bashkuara të Amerikës, Jill Biden, u takua të hënën me presidenten e Sllovakisë, Zuzana Caputova, në Pallatin Presidencial në Bratislavë.

Në këtë takim u diskutua për mbështetjen e vazhdueshme të SHBA-së për Ukrainën. Biden ka shprehur mirënjohje për mënyrën se si Sllovakia i ka mirëpritur refugjatët ukrainas.

Një zyrtar i Shtëpisë së Bardhë ka thënë se së pari Biden e ka nënshkruar një libër, i cili kishte një mesazh.

-Advertisement-

“Gjatë kohës sime në këtë vend të bukur, kam parë nga afër vlerat e përbashkëta që bashkuan Sllovakinë dhe Shtetet e Bashkuara si miq, partnerë dhe aleatë. Kjo përfshin përkushtimin tonë të përbashkët për të ndihmuar ata që kanë më shumë nevojë. Ne qëndrojmë me Sllovakinë ashtu siç qëndrojmë me popullin e Ukrainës”, është mesazhi që e ka nënshkruar Biden.

Pas largimit të saj nga pallati, Biden udhëtoi për në aeroport për t’u kthyer Uashington, duke i dhënë fund udhëtimit të saj katër-ditor në Evropë, shkruan CNN, transmeton KlanKosova.tv.

Subscribe në YouTube: GAZETA INFOKUSI
Etiketa:
Vrasja e Lulzim Fejzullahut, vjen reagimi i parë nga ministrja Haxhiu

Të tjera

Fokusi

lajme