Jeta e vështirë e Steve Jobs me vajzën e tij: Im at ishte koprac!
![](https://gazetainfokus.com/wp-content/uploads/2018/08/steve-640x480-640x460.jpg)
Autori: Gazeta inFokus
11:26 | 08 August 2018
Vajza e themeluesit të Apple: në shtratin e vdekjes ai kritikoi parfumin tim. Në një libër e përshkruan atë si “koprac për para, fjalë dhe dashuri”
“Babi, këtë kompjuter Apple e ke quajtur Lisa duke menduar për mua?” “Aspak e dashura ime: kjo është një sigël që qëndron për Arkitekturën e Integruar të Sistemeve Lokale”. Për një kohë të gjatë Steve Jobs e ka mohuar se i ka kushtuar një nga makinat e tij të para, një PC fatkeqe që u zëvendësua shpejt nga Macintosh, te Lisa Brennan Jobs, vajza e tij e parë. E ka pranuar shumë vite mën vonë gjatë një pushimi në vilën e Bono në Côte d’Azur, duke iu përgjigjur një pyetjeje kreut të U2.
I vështirë me punonjësit
Brilliant dhe brutal: dritat dhe errësira e Steve Jobs, temperamentin e tij me punonjësit, e kemi treguar shumë herë. Por në aventurën e tij të përvuajtur njerëzore themeluesi i Apple ishte gjithashtu i vështirë edhe me të dashurit e tij dhe sidomos me fëmijën e parë, Lisa, e njohur me vonesë, pasi e kishte mohuar me vite që ishte babai i saj. Tani ajo, dyzet vjeç, tregon në një libër historinë e marrëdhënies së saj të trazuar me një burrë që ajo e përshkruan si “koprac me të holla, fjalë dhe dashuri”. Por kjo, megjithatë, kurrë nuk e ka ndalur ta tërheqë atë me magnetizmin e saj, duke i dhënë dritë me praninë e saj. Në “Small Fry”, një libër që do të publikohet brenda një muaji, por “Vanity Fair” ofron disa parashikime, Lisa ndjek kërkimin e saj të dëshpëruar për të rrëmbyer njëfarë butësie nga një baba i mërzitur, i shqetësuar dhe i dyshimtë. Ikona e gjallë e kohës sonë deri në vdekjen e tij të parakohshme (në vitin 2011 kur vdiq nga një tumor pankreatik), njeriu i cili me krijimet e tij teknologjike ndryshoi mënyrën e jetesës, vazhdon të studiohet në të gjitha pjesët e karakterit të tij. Ajo që është interesante mbi të gjitha është enigma e pazgjidhur e një karakteri të njohur për sinqeritetin brutal të gjykimit të tij, i ashpër me të tjerët dhe gjithashtu me veten në shpalljen e të vërtetave të tij të pakëndshme, por që në të njëjtën kohë mund të mohojë provat, madje edhe për vite.
Mbajtja në distancë
Në historinë e Lizës – bijës së parë që e refuzoi, pastaj e pranoi, por gjithnjë e mbajti në një distancë që, pasi kishte studiuar në Palo Alto, në Harvard dhe në Kolegjin e Mbretit në Londër, ishte gazetare e «Vogue», revista Oprah Winfrey dhe gazeta të tjera – gjejmë të dyja të vërtetat e tij brutale dhe refuzimin kokëfortë të realitetit. Në një nga takimet e fundit, kur Steve ishte tani në shtratin e vdekjes, Lisa thotë se shkoi në banjo para se ta përshëndeste atë dhe se u shpëla në fytyrë me ujin e trëndafilave pa e kuptuar se aroma e kësaj esence natyrore do të ndryshonte në pak minuta: “U përpoqa ta përshëndes. Pastaj, kur u largova, ai më thirri: Lisa, ti mban aromën e tualetit “. Një lamtumirë e hidhur për Lisa, e cila, edhe pas njohjes, nuk ishte në gjendje të integrohej në familjen e Steve Jobs. Ai, kishte braktisur dikur shtatzënë Chrisann Brennan – partneren e tij për pesë vjet, që nga shkolla e mesme – më vonë u martua me Laurene Powell. Nga e cila – pasi kishte pretenduar të ishte steril – kishte tre fëmijë të tjerë. Kur Chrisann lindi në një fermë, Steve nuk ishte atje, por ai mbërriti tri ditë më vonë. Ai mohoi të ishte babai, por zgjodhi emrin e Lisa së bashku me nënën e saj.
Pastruese
Krisan për dy vjet ka punuar si pastruese dhe kameriere për të rritur vajzën e saj, ndërsa Steve ka refuzuar për ta ndihmuar në çdo mënyrë. Detyruar më pas nga gjykata t’i nënshtrohet një testi gjenetik që zbuloi atësinë e tij, Steve filloi të paguajë mirëmbajtjen. Edhe pas testit gjenetik, Steve vazhdoi të mohonte provat duke u quajtur steril. Vetëm kur Lisa ishte tetë vjeç, Jobs filloi ta trajtojë atë si një vajzë. Por gjithmonë me ftohtësi. Lisa kujton se, kur një herë i kërkoi një nga makinat e tij Porsche: ajo nuk mori vetëm një mohim, por edhe fjalët “mbaje mend, kurrë nuk do të kesh gjë nga unë”. Një ashpërsi ndoshta që është rezultat i boshllëqeve dhe pakënaqësive që e kanë shoqëruar jetën e themeluesit të Apple që nga lindja: i braktisur nga prindërit në të njëzetat – një studente e ëma dhe një sirian i ati, i cili më vonë u bë profesor universitar – dhe iu dha për adoptim Jobs-ave, në një familje të përulur nga origjina.
![](https://gazetainfokus.com/wp-content/uploads/2024/06/Screenshot_1-1.jpg)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...