Rozë

Jeta e saj do të bëhet dokumentar, Rihanna firmos marrëveshjen miliona dollarësh

Autori: Gazeta inFokus 10:10 | 25 November 2022

Këngëtarja me famë botërore, Rihanna, konsiderohet si një nga artistet më të mira të muzikës moderne. Që nga viti 2016 ajo nuk kishte publikuar këngë dhe kur solli kolonën zanore të “Black Panther: Wakanda Forever”, i cili u publikua pak kohë më parë, me titull “Lift Me Up”, fansat sigurisht që u emocionuan.

Por duket se kjo nuk mjafton për audiencën e saj. Rihanna do të performojë në Super Bowl-in e ardhshëm në shkurt 2023, që është një punë shumë e madhe.

Paraqitja e Rihannës pritet të jetë një nga ato që do të mbeten të paharrueshme për publikun, pasi ajo sigurohet të jetë perfekte në çdo paraqitje të saj live. Apple TV madje i kërkoi këngëtares të regjistrojë performancën e saj dhe ta përfshijë atë në një dokumentar të ri për rikthimin e saj muzikor.

-Advertisement-

Për ta bindur atë të bashkëpunonte, kompania i ofroi asaj miliona dollarë. “Ka shumë kuriozitet për çdo gjë që ka të bëjë me Rihanna-n. Rikthimi i saj në skenën muzikore për herë të parë në kaq shumë vite është shumë i rëndësishëm ”, tha një burim i Apple për gazetën britanike The Sun.

“Provat, takimet e saj me artistë të tjerë, por edhe ajo që ndodh në prapaskenë do të regjistrohen dhe do t’i japin publikut një pasqyrë se si është jeta e saj tani, si një nënë e re dhe si ndihet për rikthimin në industrinë e muzikës,” shtoi burimi.

Ndërkohë kujtojmë se skena e Super Bowl ka parë emra të mëdhenj vitet e fundit, si Katy Perry, Shakira, Jennifer Lopez, Dr. Dre, Eminem dhe Beyonce.

Subscribe në YouTube: GAZETA INFOKUSI
Etiketa:
Comodita në Las Vegas Market prezanton linjat e reja të dyshekëve për tregun amerikan

Të tjera

Fokusi

roze