Ish-emisari i ShBA-ve për dialogun Kosovë-Serbi, Richard Grenell është rikthyer sërish në qendër të vëmendjes, me deklaratat e tij kundër kryeministrit Albin Kurti.

Grenell ditë më parë “u kap” edhe me Ambasadën e Gjermanisë në Kosovë, ku i reagoi ambasadorit gjerman Jorn Rohde, duke thënë se “gjermanët janë në anën e gabuar të historisë” derisa shtoi se “Albin Kurti ka hedhur poshtë çdo ide që ka hedhur Perëndimi”.

E ndaj kësaj deklarate së fundmi Grenell ka pasur përplasje në “X” me kryetarin e Partisë Republikane të Serbisë, Nikolla Sanduloviq.

-Advertisement-

Sanduloviq i reagoi Grenellit pikërisht për deklaratën e tij të fundit, duke thënë se ai është një mercenar dhe është i blerë nga “krimineli i luftës, Aleksandar Vuçiq”.

“Ju Richard Grenell jeni një mercenar që është në anën e gabuar të historisë dhe vendit tuaj! Ju jeni blerë nga krimineli i luftës Aleksandar Vuçiq që la pas mijëra viktima të pafajshme të kombësisë shqiptare, kroate dhe boshnjake”, shkroi Sanduloviq në “X”.

You are Richard Grenell a mercenary who is on the wrong side of history and your country! You were bought by the war criminal Aleksandar Vučić who left behind thousands of innocent victims of Albanian, Croatian and Bosnian nationality! @albinkurti @VjosaOsmaniPRKS @StateDept https://t.co/3hs0HMEyCb

— Nikola Sandulovic (@Sandulovic_N) December 20, 2023

Pas kësaj erdhi reagimi i Grenellit i cili i tha “Merreni një avokat, do të ju nevojitet”.

Sanduloviq i është përgjigjur sërish Grenellit, duke i thënë se “mezi pres të takohemi në gjykatë”.

“Ooops! Të godita në qendër zemra ime?! Mezi pres takimin tonë në gjykatë ku do të paraqes gjithçka që bëni për shefin tuaj Aleksandar Vuçiq! Vetëm sigurohuni që FBI nuk të arreston më parë”, thuhet në reagimin e Sanduloviq ndaj Grenellit.Telegrafi

Ooops! I hit you in the center, my heart❤?! I am looking forward to our meeting in court where I will present everything you do for your boss Aleksandar Vučić! Just make sure the @FBI doesn't arrest you before 😉🤣!@GOP @albinkurti @VjosaOsmaniPRKS @StateDept @WhiteHouse @GOP https://t.co/s1goS4U5S4

— Nikola Sandulovic (@Sandulovic_N) December 20, 2023

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-