Javë me aksione intensive për ndalimin e prodhimit të kriptovalutave në Kosovë
Autori: Elvira Haxhiu 17:32 | 16 January 2022
Që nga vendimi për ndalimin e prodhimit të kriptovalutave, Policia e Kosovës, ka ndërmarrë tetë aksione për ndalimin e prodhimit të tyre, shkruan Gazeta Infokus.
Vendimi i Ministrisë së Ekonomisë është marrë me 4 janar të këtij viti, kurse aksioni i konfiskimit ka nisur me datën 6, fillimisht me një aksion në fshatin Surkish të Podujevës, ku janë konfiskuar tre aparate për prodhimin e kriptovalutave.
“Stacioni Policor i Podujevës së bashku me Njësitin e Reagimit të Shpejtë, kanë mbështetur ekipe të KEDS në Fsh. Surkish ku janë gjetur dhe sekuestruar tre aparate për prodhimin e kriptovalutave”, thuhej në njoftimin e policisë.
Po në këtë datë, Policia e Kosovës në Mitrovicën e Jugut pati sekuestruar 67 aparate për prodhimin e kriptovalutave.
“Gjatë bastisjes për veprimtari të kundërligjshme janë gjetur dhe sekuestruar 67 aparate të lidhura me pajisje elektrike dhe internet që dyshohen se përdoreshin për prodhimin e kriptovalutave”, njoftoi policia.
Aksion tjetër u zhvillua në pjesën veriore të Mitrovicës të shtunën e 8 janarit, ku policia arriti të konfiskojë 272 pajisje të ndryshme ANTMINER që shërbejnë për prodhimin e BITCOIN-it.
Pajisjet të cilat u sekuestruan në këtë aksion janë:
Antminer S9i 14.0T-128 copë,
Antminer S9 13.5T-117 copë,
Antminer S9 13.0T- 5 copë,
Antminer S9i 14.5T- 19 copë,
Antminer S9 10.5T- 3 copë.
Gjithashtu, më datën 8 policia kishte vazhduar aksionin tjetër në Prishtinë ku ishin gjetur dhe sekuestruar 39 mjete për prodhimin e kriptovalutave.
“Stacioni Policor Veriu në Prishtinë, kanë mbështetur ekipe të KEDS në rrugën “Dëshmorët e Prapashticës”, ku janë gjetur dhe sekuestruar 39 mjete për prodhimin e kriptovalutave, 35 prej të cilave në kohën kur po kryhej kontrolli ishin në funksion”, thuhej në raportin e policisë.
Po në këtë datë ishin konfiskuar edhe 6 aparate me 42 kartela për prodhimin e kriptovalutave në fshatin Druar të Vushtrrisë.
Ndërkaq, të hënën e 10 janarit, Policia e Kosovës në Drenas sekuestroi 116 kartela grafike, 17 pllaka me procesor, 50 siguresa të energjisë elektrike, 21 USB dhe 2 procesorë të përdorur.
Kurse më datën 12, në Shtime u konfiskuan 58 kartela grafike për prodhimin e kriptovalutave.
Edhe të enjten e datës 13 janar, ka vazhduar aksioni i policisë për ndalimin e prodhimit të kriptovalutave, ku në Fushë Kosovë, u sekuestruan 3 aparate për prodhimin e kriptovalutave dhe 16 kartela grafike.
“Njësitet policore të Fushë Kosovës, në bashkëpunim me ekipin e KEDS dhe zyrtarët e Doganës së Kosovës, në rrugën “Fahri Fazliu” në Fushë Kosovë, kanë gjetur dhe sekuestruar 3 aparate për prodhimin e kriptovalutave dhe 16 kartela grafike”, njoftonte policia.
Kurse të shtunën e 15 janarit, Policia e Kosovës ka sekuestruar 46 kartela grafike dhe 28 aparate për prodhimin e kriptovalutave në fshatin Bllac të Suharekës.
Sipas PK-së, KEDS ka konstatuar se edhe rryma ka qenë kyçje ilegalen dhe se Dogana e Kosovës do të jetë ajo që do të merret me veprimet e mëtejme lidhur me këtë rast.
Nga Ministria e Ekonomisë për Gazetën Infokus, patën thënë se vendimi për ndalimin e prodhimit të kriptovalutave, është marrë për shkak të krizës me energjinë elektrike në Kosovë.
“Një ndër faktorët e rritjes së konsumit besohet të jetë prodhimi i kriptovalutave në vend, me theks të veçantë në veri të vendit, ku për shkak të mospagesës së energjisë elektrike, prodhimi i kriptovalutave konsiderohet të jetë më i larti në vend”, kanë thënë nga ministria.
Ndërkaq, nga kjo ministri kanë bërë të ditur se aksionet për ndalimin e prodhimit të kriptovalutave do të vazhdojnë edhe më tutje./Gazeta Infokus/
Të tjera
-
Murati: S`po ratifikohen marrëveshjet që do të përfitonim 300 milionë euro
Ministri i Financave dhe Transfereve, Hekuran Murati ka thënë se janë 300 mil...
-
Avokati i Popullit, i shqetësuar me akuzat për ngacmime seksuale në UP
Institucioni i Avokatit të Popullit është shprehur jashtëzakonisht i shqetësu...
-
Sindikata e Re KEK-ut dhe ajo e Trepçës, reagojnë ndaj kryetarit të BSPK-së për disa vendime
Sindikata e Re e KEK-ut, Sindikata e Pavarur e Administratës së Kosovës dhe S...
-
“Për nder të Liburn Aliut i cili na lëshoi çeshmen”, PSD aksion para Qeverisë
Partia Socialdemokrate ka zhvilluar një aksion simbolik në oborrin e Qeverisë...
-
Bogujevci: Suksesi i Kosovës në KiE-kur jemi bashkë arrijmë shumë
Nënkryetarja e Kuvendit të Kosovës, Saranda Bogujevci, e ka vlerësuar si suks...
-
Në Bruksel fillon takimi i përbashkët mes kryenegociatorëve
Ka nisur takimi i përbashkët mes kryenegociatorëve të Kosovës me ndërmjetësim...
-
Bom ba në veturën te rruga B: Arrestohet në aeroport Kushtrim Krasniqi, dyshohet se tentoi ta vra*ë Ardit Sekiraqën
Pas më shumë se dy muajsh, Policia ka arritur ta arrestojë të dyshuar për ten...
-
Rusia do ta humbte një luftë me NATO-n, paralajmëron Polonia
Një luftë mes Rusisë së Vlladimir Putinit dhe NATO-s do t’i jepte fund “mposh...
-
Ramush Haradinaj shkon në Sallagrazhdë për ta nderuar veprën e Fadil Vatës
Kryetari i AAK-së, Ramush Haradinaj, ka shkuar në Sallagrazhdë të Suharekës, ...
-
Kurti në Berlin flet për anëtarësimin e Kosovës në Këshillin e Evropës
Kryeministri i Kosovës, Albin Kurti ka zhvilluar takime në Gjermani ku po mer...
-
Gërvalla falënderon kolegët për unitetin e arritur në çështjen e Këshillit të Evropës
Zëvdendëskryeministrja dhe ministrja e Punëve të Jashtme dhe Diasporës, Donik...
-
Macron bën thirrje për rritje të mbrojtjes: Evropa mund të vdesë
Presidenti i Francës, Emmanuel Macron, bëri thirrje të enjten për mbrojtje më...