Lajme

Javë intensive për Policinë në Prishtinë: Sekuestrojnë a*rmë, zbatojnë 156 urdhëresa dhe shqiptojnë mijëra gjoba

Autori: Gazeta inFokus 09:54 | 09 June 2025

Policia Rajonale e Prishtinës ka zhvilluar një javë intensive të punës në kuadër të përpjekjeve për rritjen e sigurisë dhe zbatimin e ligjit në kryeqytet, shkruan Gazeta Infokus.

Sipas njoftimit zyrtar, gjatë javës së kaluar janë ekzekutuar gjithsej 156 urdhëresa gjykate, prej të cilave 21 kanë qenë për vepra penale, ndërsa pjesa tjetër për kundërvajtje, seanca gjyqësore, verifikime apo çështje administrative.

Në bazë të këtyre urdhëresave, personat e dënuar me burgim janë dërguar për vuajtjen e dënimit, ndërsa ata të dënuar me gjobë janë liruar pas pagesës së gjobës.

-Advertisement-

Gjatë të njëjtës periudhë, Policia ka ndërmarrë veprime konkrete edhe në fushën e sigurisë publike, duke sekuestruar pesë armë zjarri të llojeve dhe kalibrave të ndryshëm, së bashku me sasi të konsiderueshme municionesh.

Fokus i veçantë iu kushtua edhe sigurisë në trafik, ku janë shqiptuar gjithsej 3366 gjoba për shkelje të ndryshme të Kodit Rrugor. Nga to, 568 janë identifikuar përmes teknologjisë së veturave inteligjente dhe radarëve mobil, që tregon për një qasje më efikase dhe të avancuar ndaj sigurisë rrugore.

Policia Rajonale e Prishtinës ka paralajmëruar se aksione të tilla do të vazhdojnë me intensitet edhe në ditët në vijim, me qëllim të forcimit të rendit dhe ligjit në të gjitha segmentet e jetës publike.

Subscribe në YouTube: GAZETA INFOKUSI
Oferta ekstreme e majit – dyshek memory 100€ më lirë!
-Advertisement-

Të tjera

Fokusi

lajme