Rozë

Java e modës në Milano, prezantohet koleksioni “Gucci”

Autori: Gazeta inFokus 08:47 | 21 Shtator 2017

Veshje hipnotizuese dhe jo konformiste të “Gucci”-t parakaluan mes statujave në ditën e parë të javës së modës në Milano, ndërsa pasarela e japonezit Atsushi Nakashima dominohej nga dizajnet gjeometrike e zinxhirët.

“Gucci” prezantoi koleksionin e ri në selinë qendrore të kompanisë, e cila u shndërrua totalisht nga statujat gjigante të frymëzuara nga mitet dhe perënditë e Egjiptit të lashtë, Romës dhe Greqisë.

Harqet ishin një element mbizotërues i pasarelës. Modelet që sfiluan nën ritmet e muzikës elektronike “dance”, mbanin veshje rrezellitëse, peliçe, e funde të gjata me fruda që kombinoheshin me çanta të vendosura rreth mesit, syze, kapele dhe kapota.

-Advertisement-

Stilisti japonez Atsushi Nakashima prezantoi një koleksion me veshje të përditshme për burra dhe gra. Zinxhirët ishin elementi i parapëlqyer i dizenjatorit që lancoi firmën e tij në 2011-n.

Java e modës në Milano vazhdon deri në 26 shtator.