Lajme

Jasharaj për deklaratën e Muratit: E kemi lutur për dialog, ai po kërcënon për ta frikësuar dikë

Autori: Gazeta inFokus 10:34 | 30 August 2022

Kryetari i Sindikatës së Bashkuar të Arsimit, Shkencës e Kulturës, Rrahman Jasharaj, ka reaguar sërish ndaj deklaratës së ministrit të Financave, Hekuran Murati, i cili ka thënë se grevistëve nuk do t’iu jepen paga.

“Një letër që doli në internet nga një sekretar, disi ia falëm duke menduar se e bëri me emocione dhe mos po arrin ta ketë lakminë e Qeverisë. Por kur ministri Muratin të cilin e kemi lutur për muaj të tërë për dialog tha se ai paska guxim ta ngulfat zërin sindikalist dhe t’ua mohoj të drejtën legjitime, ai si duket nga krenaria nuk e ka lexuar ligjin e grevave në Kosovë i cili mbron dhe garanton dhe askush s’ka të drejtë, jo meditje e paga, por asnjë cent t’ua ndal grevistëve”.

Në konferencën e jashtëzakonshme të BSPK-së, ai tutje tha se Murati në vend që të japë shembull të mirë që tensionet të ulen, ai ka nxitur situatën e cila ka krijuar shqetësime dhe irritime.

-Advertisement-

“Ne do ta kemi reagimin me kohë. Ekspertët e fushës së drejtësisë janë në konsultime dhe do të insistoj me kolegët e mi që të përgatitet lënda dhe adresa tashmë dihet. Lënda do të drejtohet ndaj Muratit i cili publikisht në vend që të jetë zë i qeverisë, në emër të uljes së tensioneve, ai kërcënon me qëllim që ta frikësojë dikë dhe ta ngulfat vullnetin dhe zërin e grevistëve që janë dhe do të jenë në grevë derisa nuk zgjidhen kërkesat”, tha Jasharaj.

Subscribe në YouTube: GAZETA INFOKUSI