Lajme

Jasharaj: Ata që janë në arsim kanë kryer fakultetin, hera e parë që një qeveri përzihet në punën e sindikatave

Autori: Gazeta inFokus 23:58 | 14 December 2021

Kryeministri Albin Kurti, para disa javësh deklaroi se uron që të ndryshohen kryesindikalistët, ka vazhduar debatin për këtë temë, duke thënë se këto ndryshime janë të domosdoshme. Mirëpo kryetari i SBASHK-ut Rrahman Jasharaj thotë se kjo deklaratë nuk qëndron.

‘’Ka pasur nevojë për ndryshime, gjendja e rëndë në disa sektorë si në arsim nuk është pasojë e viteve të 90’ta, nuk është pasojë e luftës, por të pafajshëm nuk janë disa kryesindikalistë, pra edhe ata të cilët nuk flasin për të drejtat e punëtorëve, qysh në shkollat tona nuk ka pasur as sapun, e në anën tjetër kanë kërkesa për rritje pagash’’, ka deklaruar Kurti.

Ndaj kësaj deklarate të Kurtit ka reaguar sërish Jasharaj.

-Advertisement-

“Kjo deklaratë e Kurtit nuk është e vërtetë. Ne vazhdimisht jemi ankuar se ende ka shkolla që punojmë me shkumësa dhe tabela ndoshta të vjetra 20-vjeçare”, tha Jasharaj në Debat Plus.

“Ne po kërkojmë Ligjin e Pagave e jo rritje pagash. Pse po vonohet Ligji i pagave. Është hera e parë në këto 20 vite që një Qeveri përzihet në punën e sindikatave”.

Jasharaj tha se janë të hapur që inspektorët e arsimit të monitorojnë arsimtarët në shkolla, por se nuk do të pranojnë testim klasik.

“Të gjithë ata që janë në arsim kanë kryer fakultetin dhe për ta do të jetë nënçmim të testohen”, deklaroi tutje Jasharaj.

Subscribe në YouTube: GAZETA INFOKUSI
Diplomon gjenerata e dytë e studentëve UNIK të UNI-të me diploma të fuqizuara nga Arizona State University

Të tjera

Fokusi

lajme