Rozë

Ja sa shpenzoi Labinot Tahiri në fushatën për deputet?

Autori: Gazeta inFokus 16:40 | 26 June 2017

Nënkryetari i Aleancës Kosova e Re, Labinot Tahiri ka marrë mbi 15 mijë vota si kandidat për deputet në zgjedhjet nacionale të 11 qershorit.

Këto vota ia sigurojnë mandatin e deputetit në legjislaturën e ardhshme të Kuvendit të Kosovës.

Tahiri, i cili njihet për aktivitetet e tij të shumta humanitare ka thënë se në garën për deputet ka shpenzuar më pak se 10 mijë euro.

-Advertisement-

“Kam bërë garë modeste. Afër 10 mijë euro na kanë shkuar krejt në Ferizaj. Nuk kam shpenzuar shifra marramendëse, sepse kam ku i shpenzoj”, ka thënë Tahiri për ‘Indeksonline’.

Ai shprehet i kënaqur me rezultatin e arritur në zgjedhjet e 11 qershorit.

Por, ende nuk ka vendim nëse do të kandidoj për kryetar të Ferizajt apo do t’i përkushtohet pozitës se deputetit të Kuvendit të Kosovës.

Zyrtari i lartë i AKR-së ka kërkuar nga partitë politike të cilat do të jenë pjesë e pushtetit qe të përmbushin premtimet e dhëna gjatë fushatës, sepse sipas tij, qytetarët janë të lodhur nga premtimet boshe.