Lajme

Ja sa miliona euro u tërhoqën nga 10- përqindëshi i trustit

Autori: Gazeta inFokus 09:12 | 30 March 2021

Deri më gjashtë prill të këtij viti, qytetarët kanë mundësinë ta tërheqin 10-përqindëshin nga Trusti Pensional i Kosovës, ndërsa deri tani kanë aplikuar mbi 90 për qind e qytetarëve.

Zëdhënësi i Trustit, Jeton Demi, ka thënë se numri i aplikimeve ka shkuar deri në 425 mijë aplikues, që kap shifrat e rreth 197 milionë euro. Ai ka shtuar se nuk pritet që të arrihet shifra e 200 milionë euro deri në ditën e fundit të aplikimit.

“Nuk presim që shuma të kap 200 milionë euro në ditët që kanë mbetur. Jemi brenda pritshmërive, s’kemi pritur që do ta kapim këtë shifër. Jemi në kthim pozitiv, kjo rritje e vlerës ka ndikuar që të kemi tërheqje më të lartë”, ka deklaruar Demi.

-Advertisement-

Demi ka potencuar se kanë ankesa për çështjen e rimbursimit të kontributeve dhe që presin se ankesat mund të shkojnë edhe te Avokati i Popullit dhe Gjykata Kushtetuese.

“Duke pasur parasysh që kemi pasur mjaft ankesa dhe frymën se si kontribuohet, nuk është e pamundur që të kemi ankesa edhe te Avokati i Popullit për diskriminim. Për pjesën e rimbursimit s’do të flisja për shkak të kohës kur pritet të ndodhë por edhe elementeve diskriminuese që përmban ky ligj”, ka thënë ai në KTV.

Subscribe në YouTube: GAZETA INFOKUSI
EURO 2024 dhe Serie A, dy ekskluzivitetet absolute të Artmotion këtë vit

Të tjera