Lajme

Ja sa fletëvotime nga jashtë ka pranuar KQZ-ja

Autori: Gazeta inFokus 14:14 | 02 October 2021

Komisioni Qendror i Zgjedhjeve (KQZ) ka bërë të ditur se deri më 1 tetor ka pranuar 1,932 pako me fletëvotime nga jashtë për zgjedhjet lokale.

Shefi i Sekretariatit të KQZ-së, Burim Ahmetaj, ka bërë të ditur se pakot me fletëvotime janë duke u ruajtur nga Policia e Kosovës 24 orë.

“Deri më 1 tetor KQZ-ja ka pranuar 1,932 pako me fletëvotime të cilat janë tërhequr nën përcjelljen e Policisë së Kosovës. Pakot me fletëvotime janë duke u ruajtur nga Policia e Kosovës për 24 orë, ndërkaq hapësirat e brendshme janë në vëzhgim të kamerave”, ka thënë Ahmetaj, në mbledhjen e KQZ-së të shtunën.

Votimi përmes postës ka nisur më 15 shtator, ndërkaq përfundon më 15 tetor. Zgjedhjet lokale zhvillohen më 17 tetor në 36 komuna të Kosovës.

Të tjera