Lajme

Ja në cilin vit ishte regjistruar temperatura -27.2C në Prishtinë

Autori: Gazeta inFokus 09:56 | 25 January 2022

Ditëve të fundit në vendin tonë po mbizotëron mot mjaft i ftohtë, shkruan Gazeta inFokus.

Madje sipas Prishtina Weather mëngjesin e së martës është raportuar temperatura më e ulët për këtë vit në Kosovë.

Sipas PW-së temperatura -18C është regjistruar në Aeroportin Ndërkombëtar të Prishtinës ‘Adem Jashari’.

E gjithnjë sipas kësaj webfaqe, temperatura më e ulët në Prishtinë është regjistruar më 13 janar të vitit 1985 me -27.2C.

“Temperatura më e ulët në Prishtinë është regjistruar më 13 janar të vitit 1985 me -27.2C, e në aeroportin e Prishtinës -29.2C më 26 janar të vitit 2000.  Herën e fundit temperatura minimale edhe deri në -24C u regjistruan para pesë vitesh në janarin e vitit 2017”, thuhet në postimin e PW-së.

Mot i acartë mbetet edhe në ditët e ardhshme, mirëpo temperaturat gradualisht do të fillojnë të rriten, me maksimale edhe në vlera pozitive./Gazeta inFokus/

Të tjera