Lajme

Ja kush janë kundërkandidatët e Agim Veliut

Autori: Gazeta inFokus 11:41 | 23 August 2017

Kryetari aktual i Podujevës për të pestën herë do të garojë për të parin e Podujevës. Në këtë komunë që nga paslufta askush nuk ka mundur t’i fitojë zgjedhjet përballë Veliut.
Nënkryetari i LDK-së në disa raste ato i ka fituar edhe pa balotazh. Por edhe pse Veliu ka thënë më herët se nuk do të garojë sërish për kryetar, LDK vendosi edhe njëherë që të kandidojë Veliun. Kjo pasi që LDK në zgjehdjet parlamentare pësoi rënie ndonëse doli e para.

Por kush janë tre kandidatët që do ta sfitojnë Veliun?

Nënkryetari i LDK-së ka përballë dy ish-komandatë të UÇK-së dhe një ish të burgosur politik. Vetëvendosje e cila në këtë komunë është rritur qindpërqind, për kandidat ka caktuar Ajet Poterën.

-Advertisement-

Njëri ndër ish- komandantët më në zë të zonës së Llapit, para disa muajsh ka aderuar në Vetëvendosje pasi që braktisi Forcat e Sigurisë së Kosovës në të cilën shërbeu që nga themelimi, e paraprakisht edhe në Trupat Mbrojtëse të Kosovës. Potera ishte edhe në garë për deputet ku mori më shumë se 5 mijë vota, ndërsa Vetëvendosje ka marr mbi 10 mijë vota.

Kundërshtari i Veliut nga AAK-ja po ashtu është një ish-komandant i UÇK-së.

Fatmir Humolli apo siç është i njohur me pseudonimin Baci ka qenë komandant i shquar në zonën e Llapit si dhe ka udhëhequr shumë me beteja të rëndësishme. Fatmir Humolli është familjar i dëshmores Ylfete Humolli e vrarë në vitin 1990 nga forcat serbe dhe vëllait të saj Mentor Humolli që është vrarë në Koshare.

Kundërkandidat i Veliut është edhe ish-i burgosuri politik Hajredin Hyseni.

Hyseni ishte burgosur në vitet e tetëdhjeta dhe nëntëdhjeta për shkak të veprimtarisë për çlirim. Hyseni është kandidat nga PDK-ja, ka qenë deputet i Kuvendit të Kosovës dhe ka mbajtur disa poste të rëndësishme qeveritare./KosovaPress/