Lajme

Ja kur do të bëhen autostradat me pagesë

Autori: Gazeta inFokus 12:39 | 21 June 2017

Qeveria e Kosovës pati njoftuar se qarkullimi në autostradat e Kosovës do të bëhet me pagesë, mirëpo siç duket kjo do të bëhet vetëm pasi të jetë vlerësuar efektshmëria e futjes së pagesës në “Rrugën e Kombit”, nga autoritetet e Shqipërisë.

Kjo është bërë e ditur nga Ministria e Infrastrukturës,  në përgjigjet që kanë dhënë për Gazetën Fjala.

“Qarkullimi në autostradat e Kosovës pritet të bëhet me pagesë, pasi të jetë vlerësuar efektshmëria e futjes së pagesës në “Rrugën e Kombit”, nga autoritetet e Shqipërisë”, thuhet në përgjigjet e kësaj ministrie.

-Advertisement-

Por, Ministria e Infrastrukturës ende nuk ka marrë ndonjë njoftim se kur do të fillojë aplikimi i tarifës rrugore apo sa do të jetë taksa, pasi që ata janë duke pritur për ofertuesit potencial.

“Procesi i vënies se taksës për ngasësit në autostradë do të ndodhë, por jemi duke e pritur edhe përfundimin e autostradës Prishtinë – Shkup, në mënyrë që të ketë ofertë më të volitshme për ofertuesit potencialë”, kanë thënë nga kjo ministri për gazetën Fjala.

Ministria e Infrastrukturës po pret që ta përfundojnë edhe autostradën “Arbën Xhaferi”, dhe se do të kenë një ofertë për cilëndo kompani, që ajo të ketë në disponim 140 kilometra dhe një çmim të volitshëm me pagesë për qytetarët e Kosovës.

Vënia e taksave për shfrytëzimin e autostradave, do të bëhet për arsye të menaxhimit dhe mirëmbajtjes nga sektori privat, për shkak të kostove të papërballueshme për buxhetin.

Lidhur me procesin e dhënies me koncesion, Qeveria ende nuk ka bërë ndonjë plan të detajuar. /Gazeta Fjala/.

 

Subscribe në YouTube: GAZETA INFOKUSI
Etiketa:
MYZHDE për krejt!

Të tjera

Fokusi

lajme