Era, një 12 vjeçare nga Prishtina, u mërzit shumë që nuk e gjeti në raftin e bibliotekës librin “Shtëpia magjike mbi pemë” nga Mary Pope Osborne. Të gjithë ekzemplarët e këtij libri në Bibliotekën “Hivzi Sulejmani” në Prishtinë i kishin marrë fëmijët e tjerë.

Librat me fotografi, me fontin e shkronjave më të madh dhe ilustrime të ndryshme, sipas bibliotekistët Vjollca Duli, janë më të preferuarit për fëmijët kosovarë.

Ndërsa librat që nuk preferohen shumë janë lektyrat e obliguara nga mësuesit, të cilët sipas biblioteksistes janë më të pakuptueshëm për ta, shkruan Infokusi.

-Advertisement-

“Fatkeqësisht, lektyrat shkollore nuk po ndërrohen sepse ato nuk janë më tërheqëse për fëmijët e ditëve të sotme, kanë elemente të luftës dhe për këtë arsye fëmijët më shumë i blejnë librat që kanë më shumë imagjinatë, thotë Beqiri, shitës ambulantiv në sheshin Zahir Pajaziti në Prishtinë.

Kjo edhe duket të jetë arsyeja që viteve të fundit më së shumti preferohen librat e huaj. Këtë e konfirmojnë edhe në librarinë “Dukagjini”, shkruan Infokusi.

Sabahate Çavdarbasha nga “Libraria Dukagjini”, thotë se librat më të kërkuar nga fëmijët janë nga shkrimtarët e huaj siç janë: Zhyl Vern, Harry Potter, Mary Pope Osborne, Viktor Hygo dhe David Williams.

Ndërkaq nga veprat e shkrimtarëve shqiptarë që lexohen më së shumti janë ato të Viktor Canosinaj, ku fëmijët pasi e lexojnë për herë të parë një libër të tij, për një kohë të shkurtër i kërkojnë edhe librat e tjerë.

Fatime Mehmetaj, Shefe e punëve profesionale në Bibliotekën “Hivzi Sylejmani” thotë se në vitin 2017 numri i fëmijëve të regjistruar duke filluar nga ata parafillorë deri në klasën e nëntë është 1,200.

“Fëmijët, librat që i huazojnë nga biblioteka më shumë i marrin në shtëpi, mirëpo ka raste kur lexojnë edhe në bibliotekë, varësisht se si iu pëlqen më shumë”, thotë Mehmetaj.

Sipas të dhënave vjetore të nxjerra nga drejtoria e bibliotekës, numri i librave që përmbajnë fotografi dhe ilustrime për vitin 2017 është 4,422 ndërsa numri i librave në total gjatë tërë vitit është 18.485 libra.(Verona Buçolli)/Infokusi/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-