Lajme

Ja cfarë thotë Vasfije Krasniqi-Goodman për gruan e cila sot bëri kallzim penal si e mbijetuar e dhunës seksuale

Autori: Gazeta inFokus 13:58 | 14 October 2019

Gruaja e parë e mbijetuar e dhunës seksuale gjatë luftës së fundit në Kosovë e që foli hapur për këtë çështje, Vasfije Krasniqi-Goodman, i ka premtuar përkrahje Shyhrete Tahiri-Sylejmanit e cila sot u bë gruaja e dytë që kërkoi hapur dënim për mizoritë që i janë shkaktuar.

Duke e quajtur trimëreshë, Krasniqi-Goodmani ka kërkuar drejtësi për të gjithë.

“Drejtësi për të gjithë. E dashur Shyhrete do ta kesh përkrahjen time dhe familjes time deri ne fund! Trimëresha ime”, tha Krasniqi- Goodman.

-Advertisement-

Ndryshe, nëna e tre fëmijëve, Shyhrete Tahiri- Sylejmani, e cila jeton në Kanada, e shoqëruar nga përfaqësues të Qendrës Kosovare për Rehabilitimin e të Mbijetuarve të Torturës dorëzoi kallëzimin penal në Prokurorinë Speciale në Prishtinë, duke kërkuar që më në fund të ndahet drejtësia.

Përmes dorëzimit publik të dosjes së Tahiri- Sylejmanit, QKMRT –ja tha se synojnë të mobilizojnë edhe gratë e burrat tjerë që të kërkojnë drejtësi për krimet e bëra./Gazeta inFokus/

 

Subscribe në YouTube: GAZETA INFOKUSI

Të tjera

Fokusi

lajme