Lajme

Ja çfarë thotë Shpend Ahmeti pas dorëheqjes

Autori: Gazeta inFokus 14:58 | 08 July 2017

Kryetari i komunës së Prishtinë dhe deputeti i sapozgjedhur në Kuvendin e Kosovës, Shpend Ahmeti pas dorëheqjes nga mandatit të deputetit i ka falënderuar të gjithë votuesit e tij.

Ahmeti përmes një postimi në “facebook” ka shkruar se në mes të postit të deputetit dhe kryetarit të Prishtinës ka vendosur të mbajë këtë të fundit, transmeton Infokusi.com

Postimin e plotë të Ahmetit bërë në rrjetin social “facebook “ mund ta gjeni më poshtë:

-Advertisement-

“Të nderuar bashkëqytetarë të Republikës,

Ju falenderoj tepër shumë për mbështetjen që na keni besuar si Lëvizje dhe mua si kandidat përmes votës tuaj në zgjedhjet e qershorit. Kur kam hyrë në listë pata thënë se duhet angazhuar të gjitha resurset për ta bërë ndryshimin, duke kandiduar edhe nga posti i Kryetarit të Kryeqytetit. Pata thënë se në qoftê se prania ime në listë shton vetëm një votë për Levizjen e për ndryshimin, ja vlen. Edhe ja vlejti me qenë pjesë e nje liste të ndryshimit. 200 mijë votuan për Levizjen. Mbështetja ishte e madhe edhe për mua si kandidat, duke më vendosur në pesëshen e pesë njerëzve me të votuar në Kosovë me 76 mijë vota, prandaj ju falenderoj me zemër.

Megjithatë, kushtetuta e Republikes thotë se një person nuk mund të mbajë dy poste te zgjedhura në të njejten kohë. Unë dje kam informuar Komisionin Qendror të Zgjedhjeve se unë do të qendroj si Kryetar i Prishtinës dhe se heq dorë nga mandati i deputetit. 32 deputetët e Levizjes do ta mbrojnë me dinjitet besimin e dhënë. Ndërsa ne vazhdojmë me punën në komunë duke ndikuar edhe në ndryshimin në nivelin qendror.”INFOKUSI

Subscribe në YouTube: GAZETA INFOKUSI
Etiketa:
BKT Kosova vlerësohet për herë të tretë "Banka e Vitit 2023 në Kosovë" nga The Banker
-Advertisement-

Të tjera

Fokusi

lajme