Izraeli kryen bastisje në Ramallah, dhjetëra të plagosur gjatë përleshjeve
![](https://gazetainfokus.com/wp-content/uploads/2023/06/Screenshot_4-2.png)
Autori: Gazeta inFokus
15:07 | 08 June 2023
Dhjetëra persona janë plagosur në qytetin Ramallah, në Bregun e pushtuar Perëndimor, pasi forcat izraelite kryen një bastisje. Ushtria izraelite tha se operacioni kishte për qëllim rrëzimin e një shtëpie të një palestinezi, që akuzohet për sulm me bombë vitin e kaluar.
Ministria palestineze e Shëndetësisë tha se të paktën 35 persona janë plagosur, përfshirë të paktën 20 persona të plagosur me armë zjarri. Sipas kësaj ministrie, dy persona kanë pësuar lëndime të rënda, ndërkaq një tjetër është plagosur në kokë me plumb gome.
Sipas Reuters, një autokolonë e madhe ushtarake hyri në qendër të Ramallahut, ku gjendet qeveria palestineze në Bregun e pushtuar Perëndimor, dhe më pas qindra palestinezë u mblodhën në atë zonë.
Disa palestinezë të rinj hodhën gurë drejt ushtarëve izraelitë, të cilët u përgjigjën ndaj turmës me të shtëna me armë zjarri, shok-bomba dhe granata dore, sipas Reuters.
Ushtria izraelite tha se ushtarët u konfrontuan me turmën të cilët hodhën në drejtim të tyre koktej molotovi dhe gurë, dhe si kundërpërgjigje ushtarët nisën të shtinin drejt tyre. Një gazetar palestinez është lënduar pasi është goditur nga një plumb gome dhe ky incident është duke u hetuar nga autoritetet.
Ushtria izraelite tha se forcat e saj kryen një operacion për të rrënuar shtëpinë e Islam Faroukh, i cili u arrestua vitin e kaluar nën dyshimet se ka kryer një sulm vdekjeprurës me bombë në Jerusalem.
Sulmi që ndodhi nëntorin e kaluar la të vrarë dy persona, përfshirë një adoleshent izraelito-kanadez, si dhe u plagosën 14 të tjerë. Autoritetet thanë atëbotë se sulmuesi kishte vendosur bomba artizanale në disa stacione autobusi dhe i kishte aktivizuar njëkohësisht.
Izraeli në mënyrë rutinore shkatërron shtëpitë e personave që dyshohet se kanë kryer sulm, por kritikët e kanë dënuar këtë praktikë, që është joligjore sipas ligjit ndërkombëtar humanitar.
Dhuna në Bregun Perëndimor, përgjatë territoreve ku palestinezët kërkojnë të krijojnë shtetin e tyre, është rritur që nga viti i kaluar. Izraeli ka intensifikuar bastisjet ushtarake pas sulmeve vdekjeprurëse që janë kryer në qytete të ndryshme nga palestinezët.
Ministria palestineze e Shëndetësisë ka thënë se të paktën 158 palestinezë janë vrarë nga forcat izraelite që nga janari. Ministria e Jashtme e Izraelit ka thënë se 20 izraelitë dhe dy shtetas të huaj janë vrarë gjatë sulmeve palestineze në po të njëjtën periudhë.
![](https://gazetainfokus.com/wp-content/uploads/2024/05/Screenshot_1-8.jpg)
Të tjera
-
Zhduket një grua në Podujevë
Një person ka raportuar se një grua ka dalë nga shtëpia dhe nuk është kthyer ...
-
Një i vdẹkur në aksidentin e rëndë në Bërnjak, shoferi arrestohet
Një vetaksident i rëndë ka ndodhur dje në Bërnjak, ku një person ka vdekur. ...
-
Orban në Kinë për arritjen e paqes në Ukrainë
Kryeministri i Hungarisë, Viktor Orban, është takuar sot me presidentin kinez...
-
Sot lansohet fushata “Festo me zemër, jo me armë”
Ministria e Punëve të Brendshme do të lansojë fushatën ndërgjegjësuese kundër...
-
U arratis nga burgu, Faton Hajrizi shfaqet në “TikTok”: Nuk jam ai që policia më pasqyron
Faton Hajrizi i cili të shtunën më 6 korrik, u arratis nga Qendra Korrektuese...
-
Sot vazhdon procesi gjyqësor ndaj ish-krerëve të UÇK-së
Në Gjykatën Speciale në Hagë sot do të vazhdojë procesi gjyqësor ndaj ish-kre...
-
Le Pen: Fitorja jonë vetëm sa është shtyrë
Udhëheqësja e ekstremit të djathtë francez, Marine Le Pen, deklaroi sonte, pa...
-
Parashikimi i motit në Shqipëri
Shërbimi Meteorologjik Ushtarak bën me dije se këtë javë territori i Shqipëri...
-
U ther me thikë të shtunën e ndërron jetë mbrëmë, çka dihet për rastin e 26 vjeçarit në Prizren
Policia dje njoftoi se A.Th., 26 vjeçar, të shtunën është dërguar në spitalin...
-
79-vjetori i aneksimit të Kosovës nga Serbia
Pas ripushtimit dhe aneksimit të Kosovës më 1945 dhe pas ngritjes së murit të...
-
Kosova dhe Shqipëria me kontrolle të përbashkëta në pikëkalimet kufitare, Sveçla e Balla sot nënshkruajnë protokollin
Ministria e Punëve të Brendshme ka njoftuar ministri Xhelal Sveçla me homolog...
-
Shqetësimet mbi rezultatin e zgjedhjeve në SHBA, evropianët po kërkojnë të mbrojnë NATO-n
Aleatët e NATO-s mblidhen në Uashington për një takim të nivelit të lartë që ...