Lajme

Izet Mexhiti thotë se e di vendndodhjen e Artan Grubit

Autori: Gazeta inFokus 09:52 | 21 December 2024

Zëvendëskryeministri i parë në Maqedoninë e Veriut, Izet Mexhiti, ka deklaruar se Artan Grubi është arratisur në Shqipëri.

Mexhiti ka thënë se Grubi nuk ndodhet në Kosovë.

“Mendoj se është detyrë e organeve të rendit, ata do të bëjnë dhe padi ndërkombëtare përmes Interpolit. Sipas informatave, nuk është në Kosovë, por është tek ju në Shqipëri. Por s’është kjo e rëndësishme, por me arratisjen e tij ka dëshmuar fajësinë e tij dhe ndaj ai ka ikur nga vendi. Mendoj se sot, nesër, apo pasnesër ai një ditë do të ballafaqohet me drejtësinë”, tha Mexhiti në Ora Neës.

-Advertisement-

Grubi është arratisur, pasi ndaj tij nisën hetimet për korrupsion nga organet e hetuesisë në Maqedoni të Veriut.

Hetimet nisën për shkak se Grubi u vendos në listë të zezë të Shteteve të Bashkuara të Amerikës.

Grubi ikjen e tij e bëri nga pika kufitare mes Maqedonisë së Veriut dhe Kosovës. Ministria e Punëve të Brendshme tashmë i ka shqiptuar masë disiplinore policit i cili nuk bëri kontrollet e duhura për Artan Grubin. /Gazeta Infokus

Subscribe në YouTube: GAZETA INFOKUSI