Iu zbutet dënimi pesë të akuzuarve, do t’i vuajnë 60 vite burgim për vrasjen e kushëririt
![](https://gazetainfokus.com/wp-content/uploads/2017/09/gjyqi-780x439.jpg)
Autori: Gazeta inFokus
17:10 | 05 May 2023
Gjykata e Apelit në Prishtinë me aktgjykimin e datës 31 mars të 2023 ka aprovuar pjesërisht ankesat e mbrojtësve të akuzuarve Besmir, Samet, Fisnik, Ismet dhe Hizri Ismajli vetëm sa i përket vendimit për dënim, duke ua zbutur dënimin me burgim nga 71 vite në 60 vite burg për të dënuarit.
Kështu, nga 18 vite burgim për vrasjen e kushëririt do t’i vuajnë Besmir, Samet dhe Fisnik Ismajli derisa për “lëndim të lehtë trupor” Ismet dhe Hizri Ismajli do t’i vuajnë nga 3 vite burgim, raporton “Betimi për Drejtësi”.
Gjykata Themelore në Gjilan më 21 mars të 2022 kishte bërë shpalljen e aktgjykimit duke i dënuar në total me 71 vite burgim të akuzuarit e përmendur në aktakuzën e Prokurorisë për vrasjen e kushëririt të tyre.
Prokuroria Themelore në Gjilan, më 26 nëntor 2019, kishte ngritur aktakuzë ndaj të pandehurve Besmir, Samet, Fisnik, Ismet dhe Hizri Ismajli, me arsyetimin se të njëjtit, me 2 maj 2019, në fshatin Sadovina e Çerkezëve, Komuna e Vitisë, me dashje dhe në bashkëkryerje, për motive pasurore-pronësore, kanë privuar nga jeta tani të ndjerin M.I, raporton “Betimi për Drejtësi”.
Lidhur me këtë Gjykata e Apelit kishte shtyrë seancën pasi që pala e dëmtuar nuk ishte e paiisur me ankesa e mbrojtësve të të akuzuarve dhe si rrjedhojë përfaqësuesit të palë së dëmtuar avoaktit Besnik Berisha i nevojitej kohë për tu analizuar të njëjtat.
Apeli në vendimin e tyre kanë aprovuar pjesërisht ankesat e mbrojtësve të akuzuarve Besmir, Samet, Fisnik, Imset dhe Hizri Ismajlin duke ndryshuar kështu aktgjykimin e Themelores në Gjilan vetëm sa i përket dënimit dhe për veprën penale “vrasje e rëndë” gjykon secilin veç e veç Besmir, Samet dhe Fisnik Ismajlin me nga 18 vite burgim kurse Ismet dhe Hizri Ismajlin për veprën penale “lëndim i lehtë trupor” secilin veç e veç me nga 3 vite burgim.
“Me aprovimin e pjesshëm të ankesave të mbrojtësve të akuzuarve B.I., S.I., F.I. , I.I.1t dhe H.I.2.t, ndryshohet aktgjykimi i Gjykatës Themelore në Gjilan PKR.nr.201/2019 të datës 19.05.2022 vetëm për vendimin për dënimin ashtu që Gjykata e Apelit të akuzuarit për veprën penale për të cilën janë shpallur fajtor Vrasje e rëndë nga neni 173 paragrafi 1 nën paragrafi 1.6 lidhur me nenin 31 të KPRK-së i gjykon: të akuzuarin B.I.,S.I.dhe F.I. , secilin veç e veç, me dënim me burgim në kohëzgjatje prej 18 (tetëmbëdhjetë) vjetë në cilin dënim do tu llogaritet edhe koha e kaluar në paraburgim prej 02.05.2019 deri sa aktgjykimi ta merr formën e prerë, ndërsa të akuzuarit I.I.1 dhe I.I.2.t për veprën penale për të cilën janë shpallur fajtor Lëndim i lehtë trupor nga neni 185 paragrafi 2 lidhur me paragrafin 1 nën paragrafi 1.4 të KPRK-së i gjykon, secilin veç e veç, me dënim me burgim në kohëzgjatje prej 3 (tri) vjetë në cilin dënim do tu llogaritet edhe koha e kaluar në paraburgim prej 02.05.2019 deri me dt. 21.05.2019. Në pjesën tjetër aktgjykimi i përmendur në pjesën gjykuese mbetet i pandryshuar.”, thuhet në vendimin e Apelit.
Ankesat u bënë nga avokatët për të dënuarit Besmir Ismajlin, avokati Driton Muharremi dhe Bekim Kafexholli, për Samet Ismajlin, avokati Kujtim Kërveshi, për Fisnik Ismajli avokati Florent Latifaj, për Ismet Ismajli, avokati Arbër Krasniqi dhe për Hizri Ismajlin, avokati Agnez Furra.
Ankesë mbi aktgjykimin e Themelores në Gjilan kishte bërë edhe Prokuroria Themelore në Gjilan duke propozuar që aktgjykimi në fjalë të anulohet ose ndryshohet dhe lënda të kthehet në rigjykim.
Tutje edhe përfaqësuesi i palëve të dëmtuar Kimete, Besjan, Ridvan dhe Armend Ismajli, avokati Besnik Berisha kishte paraqitur ankesë ndaj aktgjykimit të Themelores duke propozuar kështu që Apeli të ashpërsojë lartësinë e sanksionit penale për të dënuarit në fjalë.
Mirëpo Apeli përmes aktgjykimit ka refuzuar ankesën e Prokurorisë Themelorë në Gjilan dhe të përfaqësuesit të palëve të dëmtuara Kimete, Besjan, Ridvan dhe Armend Ismajli, avokati Besnik Berisha duke i konsideruar si të pabazuara.
Apeli duke marrë parasysh rrethanat që kanë ndodhur në ditën kritike dhe për faktin se edhe i dëmtuari duke shkuar në vendin e ngjarjes pa arritur policia kanë ndikuar që kjo Gjykatë të shqiptojë dënimin me burg me 18 vite burgim për Besmir, Samet dhe Fisnik Ismajli. Gjithashtu edhe për të akuzuarit Ismet dhe Hizi Ismajli me nga 3 vite dënim me burgim për shkak të veprës penale “Lëndim i lehtë trupor”.
Ky vendim u marr nga kolegji në përbërjen e gjyqtarëve me kryetar Bashkim Hyseni, Tonka Berisha gjyqtare referuese dhe Burim Ademi anëtar i kolegjit.
Ndryshe, Prokuroria Themelore në Gjilan, në nëntor të 2019-ës, ka ngritur aktakuzë ndaj të pandehurve Besmir, Samet, Fisnik, Ismet dhe Hizri Ismajli, me arsyetimin se të njëjtit, në maj të vitit 2019, në fshatin Sadovinë e Çerkezëve, Komuna e Vitisë, me dashje dhe në bashkëkryerje, për motive pasurore-pronësore, kanë privuar nga jeta tani të ndjerin M.I.
Sipas aktit akuzues, kjo ka ndodhur në atë mënyrë që të akuzuarit fillimisht shkojnë për të punuar në pronën kontestuese, e cila gjendet në afërsi të shtëpisë së tani të ndjerit M.I, me këtë rast ky i fundit me familjarët e tij dalin për të biseduar lidhur me arritjen e një marrëveshjeje, për çka këta të fundit refuzojnë, e që më pas vazhdojnë me fyerje, të cilat sjellin eskalimin e situatës deri në konflikt fizik.
Gjithnjë sipas aktakuzës, të pandehurit me mjete të forta si drunj dhe shufra metalike, e godasin tani të ndjerin në pjesë të ndryshme të trupit, duke i shkaktuar gërvishtje dhe gërvishtje lëkurore, për çka i njëjti nga familjarët transportohet në Shtëpinë e Shëndetit në Viti, e më pas si rast urgjent dërgohet në Qendrën Emergjente të Spitalit Regjional në Gjilan.
Pas kësaj, sipas aktakuzës, i ndjeri transferohet në QKUK në Prishtinë, ku edhe konstatohet vdekja e tij si rezultat i gjakderdhjes masive në kokë, e shkaktuar nga përdorimi i mjeteve të forta.
Në këtë drejtim, sipas prokurorisë, të akuzuarit në fjalë kanë kryer veprën penale në bashkëkryerje “Vrasje e rëndë”, nga neni 173, paragrafi 1, nënparagrafi 1.6, lidhur me nenin 31 të Kodit Penal, vepër kjo e dënueshme me jo më pak se 10 vjet burgim ose me burgim të përjetshëm.
Tutje sipas aktit akuzues, i pandehuri Edmond Ismajli, për shkak të një mosmarrëveshje rreth një kontesti pronësor me përdorimin e atëçastshëm të dhunës, në kohë dhe vend si në dispozitivin e parë, me dashje u ka shkaktuar lëndime trupore Ismet dhe Fisnik Ismajlit, në atë mënyrë që gjatë kacafytjeve, me një lopatë i godet të dëmtuarit dhe u shkakton atyre ndrydhje të indeve.
Për këtë, ai akuzohej se ka kryer veprën penale “Lëndim i lehtë trupor” nga neni 185, paragrafi 2, lidhur me paragrafin 1, nënparagrafi 1.4 të Kodit Penal, vepër kjo e dënueshme deri me tre vite burgim.
![](https://gazetainfokus.com/wp-content/uploads/2024/07/Medina-Berisha.png)
Të tjera
-
“Më mirë vonë se kurrë”, Hoxha për deklaratën e Konjufcës: Është filozof
Avokati dhe ish-zëvendësministri i Brendshëm, Valdet Hoxha ka reaguar lidhur ...
-
Thurte elozhe për Rikallon e dënuar për korrupsion, kush është njeriu që Qeveria e emëroi kryeshef të AUV-it
Qeveria Kurti ka marrë vendim sot për emërimin e Bekim Hoxhës, kryeshef i Agj...
-
Kurti takon ekipin Paralimpik të Kosovës: Angazhimi institucional është thelbësor në rritjen dhe zhvillimin e këtij sporti
Kryeministri i Republikës së Kosovës, Albin Kurti, i shoqëruar nga zëvendëskr...
-
Fatos Nano përsëri probleme me shëndetin, përfundon në spital
Ish kryeministri i Shqipërisë Fatos Nano ka përfunduar sërish në spital prej ...
-
Osmani: Duhet të forcojmë mbrojtjen shkaku i Serbisë
Rusia dëshiron të “hapë një front të ri kundër Perëndimit” duke destabilizuar...
-
Ramadani pyet: Si është e mundur që vila e Radojçiçit të ndërtohet në vitin 2021, kur ai s’kishte të drejtë të hynte legalisht n’Kosovë
Prokuroria Speciale e Kosovës ka ngritur aktakuzë për rastin e sulmit terrori...
-
I plagọsuri në rastin Capat – Sekiraqët lirohet nga Kardiokirurgjia
Njëri nga të plagosurit nga rasti Capat-Sekiraqët, është liruar sot nga spita...
-
Pezullimi i tenderit “Xhorxh Bush” në Prishtinë, reagon Mefi
Deputeti nga radhët e Vetëvendosjes Mefail Bajqinovci, ka reaguar lidhur me p...
-
Kastrati e quan Albulena Haxhiun “Miss non grata”: Po të ndiqej Radojçiq nuk do koordinohej as me Mimozën gjatë pushtetit tuaj
Deputeti i PDK’së, Ardian Kastrati derisa komentoi deklaratat e ministers së ...
-
Policia e dorëzon në Agjencinë e Arkivave materialin arkivor që e gjeti në komunat ilegale në Veri
Agjencia Shtetërore e Arkivave të Kosovës – ASHAK, ka publikuar pamje të mate...
-
Safet Gjici lë qelinë dhe përfundon në spital
Ish-kryetari i bashkisë së Kukësit, Safet Gjici ka lënë qelinë dhe është shtr...
-
Mblidhen 90 mijë euro për shërimin e Uvejs Fetahut, familja falenderon ata që ndihmuan, mbyllet aksioni
Është mbledhur shuma prej 90 mijë euro për shërimin e 8-vjeçarit, Uvejs Fetah...