Lajme

“Iu vihet dryni” Ambulancave Familjare në Drenas për shkak të mungesës së mjekëve

Autori: Gazeta inFokus 15:45 | 08 March 2021

Qytetarët në komunën e Drenasit nuk mund të marrin shërbime shëndetësore nëpër Ambulancay Familjare.

Kjo për shkak se nuk ka mjekë për të kryer shërbime, shkruan Gazeta Infokus.

Kështu është bërë e ditur në një njoftim të komunës së Drenasit.

-Advertisement-

E arsyeja e mungesës është se mjekët janë duke punuar nëpër Institucionet e tjera pas konkursit që kishte shpallur Ministria e Shëndetësi.

“Qendra Kryesore e Mjekësisë Familjare “Dr. Hafir Shala” në Drenas njofton të gjithë qytetarët se që nga muaji dhjetor po përballet me mungesë të Mjekëve në Kujdesin Parësorë Shëndetësorë. Kjo mungesë vjen për shkak të inkuadrimit të mjekëve ne njësitë tjera të institucioneve shëndetësore dhe specializimeve të ndara nga Ministria e Shëndetësisë për Kujdesin dytësor dhe tretësorë dhe ku një numër i konsiderueshëm i Profesionistëve shëndetësorë kanë shkëputur kontratat në kujdesin parësorë shëndetësorë”, thuhet në këtë njoftim.

Duke marrë parasysh se dy Qendra të shërbimeve Shëndetësore janë në funksion 24 orësh, jemi duke bërë angazhim maksimal me resurset humane që kemi në dispozicion që shërbimet shëndetësore për banoret e Drenasit të ofrohen ne mënyrën sa më të mirë të mundshme.

Derisa nuk kanë treguar se sa do të zgjatet mbyllja e Ambulantëve familjarëve.

“Të nderuar qytetarë të Komunës së Drenasit, për shkak të situatës së krijuar në këto rrethana jemi të detyruar që shërbimet shëndetësore në Ambulantat e mjekësisë familjare për një kohë nuk do të jenë të qasshme në ofrimin e vizitave shëndetësore.Shpresojmë që kjo situatë të zgjasë për një kohë të shkurtër pasi që jemi në procedurë të rekrutimit të kuadrove të reja të profesionistëve shëndetësorë”, thuhet në njoftimin etyre./Gazeta Infokus./

Subscribe në YouTube: GAZETA INFOKUSI
Shkolla Finlandeze lanson programin IMPACT: Tani edhe në gjuhën shqipe, me çmim të përballueshëm

Të tjera