Sport

Iu hoq e drejta për pasaportë diplomatike futbollistëve të Kombëtares – Reagon Ministria e Mbrojtjes së Shqipërisë

Autori: Gazeta inFokus 21:04 | 01 April 2021

Shumë zhurmë për asgjë. Kështu e përkufizon Minstrja e Mbrojtjes, Olta Xhaçka, lajmin që ka pushtuar mediat atje për heqjen e pasaportave diplomatike heronjtë kuqezinjtë që çuan Shqipërinë në “Euro 2016”.

Sipas Xhaçkës, këtyre pasaportave thjesht u ka përfunduar afati, siç ndodh me çdo mjet identifikimi.

“Shumë zhurmë për asgjë! Vlefshmëria e pasaportave diplomatike mbaron, siç mbaron vlefshmëria e çdo dokumenti identifikimi që përdoret në shtetin shqiptar, qofshin këto pasaporta apo karta identiteti.

Ajo që nuk ka mbaruar e nuk do të mbarojë kurrë është mirënjohja e çdo shqiptari dhe e shtetit shqiptar për ekipin e heronjve të kombëtares që u kualifikuan e luajtën me dinjitet në “Europianin 2016”, duke i bërë krenarë shqiptarët kudo që jetojnë. Është kjo arsyeja, përse djemtë tanë, sipas rregullave, duhet të dorëzojnë deri me datë 30 qershor pasaportat e marra asokohe, por ama asnjë prej tyre nuk do të humbasë statusin e fituar me aq të drejtë në 2016″ tha ajo.

Të tjera

Fokusi

sport