Lajme

Iu d*gj lokali, nënkryetarja e Zveçanit sfidon grupet kr*minale në veri: Nuk më frikësojnë as Lista Serbe e as “Brigada e veriut”

Autori: Gazeta inFokus 18:10 | 08 Mars 2024

Nën dyshimet se Lista Serbe apo organizata terroriste “Brigada e veriut” janë përgjegjësit për djegien  lokalit të saj, nënkryetarja e Komunës së Zveçanit, Natasha Tomaniq, ka ritheksuar se nuk mund ta frikësojë askush dhe se do të bëjë një ndërtesë edhe më të madhe, sesa lokali që iu dogj.

Ajo ka thënë se grupet kriminale në veri të Kosovës nuk e kanë më sundimin që kishin dhe se punësimi i serbëve në institucionet e Kosovës po iu pengon atyre.

“Nuk mund të akuzoj askënd personalisht, por sipas meje nuk është askush, pos Listës Serbe ose ‘Brigadës së veriut’. Sepse ata janë qartazi kundër punësimit të neve serbëve në institucionet e Kosovës”.

-Advertisement-

“… Nuk frikësohem. Është evidente që e kanë pas sundimin në këtë pjesë të Kosovës në këto vite dhe tash i ka dalë nga dora kjo situatë dhe këto janë qëllime që ta pengojnë punën tonë”, ka thënë Tomaniq në një intervistë për TV Dukagjinin.

“Disa serbëve nuk po u konvenon që serbët të punësohen në institucionet e Kosovës. Sa më përket mua unë atyre nuk iu frikësohem, tash do të bëj një ndërtesë edhe më të madhe dhe do të sjell këtu njerëz nga jugu, që ta dinë këtë”, ka shtuar ajo.

Tomaniq ka treguar se si ka ndodhur djegia e lokalit të saj.

“Kam dal te lokali për të parë çfarë ka ndodhur. E potencoj që xhami nuk kanë qenë i thyer, ka qenë vetëm një pjesë nga ku kanë hedhur mjetin shpërthyes brenda. Zjarri ka qenë në mes të lokalit. Pra nuk ka mundësi të ndodhë për ndonjë arsye tjetër, energjisë elektrike apo diçka tjetër. Pasi mjeti shpërthyes është futur nga jashtë dhe një pjesë e vogël e xhamit ka qenë e thyer”, ka theksuar nënkryetarja e Zveçanit. /Dukagjini/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy