Lajme

Italia ofron 700 euro në muaj për ata që pranojnë të jetojnë në disa fshatra të saj

Autori: Gazeta inFokus 18:31 | 11 September 2019

Një rajon i nënpopulluar në jug të Italisë po ofron të ardhura 700 euro në muaj për tre vjet për të jetuar në një nga fshatrat e tij.

Sidoqoftë, ka disa kushte: fshati duhet të ketë më pak se 2,000 banorë, dhe i ardhuri duhet të zotohet për hapjen e një biznesi, shkruan The Guardian.

Donato Toma, presidenti i Molise ka thënë: “Ne donim të bënim më shumë; ne donim që njerëzit të investonin këtu. Ata mund të hapin çdo lloj aktiviteti: një dyqan buke, një restorant,… Është një mënyrë për të marrë frymë jeta në fshatrat tona duke rritur gjithashtu popullsinë”.

Toma njoftoi gjithashtu se çdo qytet me më pak se 2,000 banorë do të merrte 10,000 € (9,000) në muaj me të cilin do të ndërtonte infrastrukturë dhe promovonte aktivitete kulturore.

“Nuk është vetëm çështje e rritjes së popullsisë. Njerëzit gjithashtu kanë nevojë për infrastrukturë dhe një arsye për të qëndruar, përndryshe ne do të përfundojmë përsëri atje ku kemi filluar disa vjet më parë”, tha ai.

Sipas Institutit Kombëtar të Statistikave Italiane (Istat), Molise, me një popullsi prej 305,000 banorësh, është ndër rajonet që ka humbur më shumë banorë në vitet e fundit – mbi 9,000 e kanë lënë që nga viti 2014.

Në 2018, më shumë se 2,800 banorë vdiqën ose u transferuan në një zonë tjetër, gati 1.000 më shumë se një vit më parë. Asnjë lindje e vetme nuk u regjistrua në nëntë fshatrat e saj.

Gjithashtu, siç bëhet e ditur, për herë të parë në 90 vjet, numri i qytetarëve italianë që jetojnë në Itali ka rënë në rreth 55 milionë, sipas Istat.

Ndryshe, Italia llogaritet si e vetmja ekonomi e madhe evropiane, popullsia e së cilës pritet të bjerë më tej në pesë vitet e ardhshme, sipas Kombeve të Bashkuara. Ajo renditet e dyta – pas Japonisë – si vendi me përqindjen më të madhe të të moshuarve, me rreth 168.7 mbi 65 vjeç për çdo 100 të rinj.

Të tjera