Fun & Video

Italia merr rekordin e kungullit më të madh të botës me peshë 1.226 kg (fotot)

Autori: Gazeta inFokus 10:53 | 01 October 2021

Italia ka marrë dje stafetën e rekordit botëror për kungullin më të rëndë në botë, duke kaluar pararendësin me më shumë se 30 kilogramë.

Superkungulli 1226 kg ishte rritur në fermën Agritalia, në Peccioli pranë Livornos.

Fermeri fitues, 39 vjeçari Stefano Cutrupi ka fituar edhe herë të tjera rekorde me produktet e tij, kryesisht kungujt.

-Advertisement-

Ai tha: “Është një kënaqësi e madhe. Prapa rezultatit qëndron një punë e madhe, studime e sakrifica. Shërbimet për një kungull të këtyre dimensioneve zgjasin për 180 ditë të vitit, që prej mbjelljes në sezonin e marsit”.

“60 ditë nevojiten për strukturimin e bimës dhe pjesa tjetër për rritjen e kungullit me të cilin duhet të jetosh çdo ditë, në çdo kusht atmosferik, duke ndërhyrë për ushqimin e tij dhe shtytjen në maksimum të potencialit.”

Tanimë kungujt më të mëdhenj të kompeticionit italian do të dërgohen në Shtutgart të Gjermanisë, ku pritet të zhvillohet kampionat evropian i rritesve te kungujve.

Subscribe në YouTube: GAZETA INFOKUSI
Etiketa:

Të tjera

Fokusi

fun-video