Lajme

Italia mbështet FSK-në, në ngritjen e kapaciteteve njerëzore në fushën e ambientit

Autori: Gazeta inFokus 22:41 | 07 May 2022

Në kuadër të planit bilateral në mes Forcës së Sigurisë së Kosovës (FSK) dhe Italisë̈, një ekip i FSK-së ka realizuar kursin “ITA11 Trajno trajnerët – Krimet Ambientale” i cili është realizuar në shkollën e Karabinierëve në Romë.

Ushtarakët e FSK-së gjatë këtij trajnimi ndër të tjerash u njoftuan me misionin, strukturën dhe detyrat e ‘Nucleo Operativi Ecologico’ (NOE), si dhe për mënyrat e zbulimit dhe luftimit të krimeve ambientale.

Oficerët nga Kosova u takuan me komandantin e njësisë hetuese ambientale të Italisë gjeneral brigade Valerio Giardina dhe komandantin e njësive NOE të qarkut të Romës, kolonel Massimo Rosati ku biseduan për mundësit e ndihmës dhe bashkëpunimit ndërshtetërorë në të mirë të dy shteteve në fushën e mbrojtjes së ambientit.

Të tjera