Lajme

Italia do të punësojë 452 mijë punëtorë të huaj gjatë 2023-2025, të mirëpritur edhe shqiptarët

Autori: Gazeta inFokus 13:43 | 13 October 2023

talia do të punësojë 452 mijë punëtorë të huaj gjatë trevjeçarit 2023-2025. Të drejtën për t’u punësuar në Itali do ta kenë dhe qytetarët shqiptarë e kosovarë së bashku me ata nga Algjeria, Bngladeshi, Bregu i Fildishtë, Bosnja, Hercegovina, Egjipti, Etiopia, Moldavia, Pakistani, Serbia, Mali i Zi, Maqedonia e Veriut, Ukraina etj,

Punonjësit shqiptarë e kosovarë do kenë të drejtë të punësohen për punë sezonale, jo sezonale e autonome. Kuotat e punësimit janë të ndara në tre vite, 131 mijë priten të punësohen gjatë vitit 2023, 151 mijë gjatë vitit 2024 e 165 mijë gjatë vitit 2025.

Punësimi i tyre do të nis përmes një sistemi telematik i kalendarizuar në portalin e Ministrisë së Brendshme Italiane e do të jenë punëdhënësit italianë ata që do të prezantojnë kërkesat për punëtorët e huaj që kërkojnë të punësojnë.

-Advertisement-

Ky dekret i emërtuar “Programimi i fluksit të ligjshëm në Itali të punonjësve të ligjshëm për trevjeçarin 2023 2025” e i publikuar në Fletoren zyrtare, do të nis zyrtarisht më 2 dhjetor me Click day, dita e punësimit të punonjësve jo sezonale e për vendet që kanë marrëveshje dy palëshe me Italinë.

Më 4 dhjetor do të jetë Click day për punonjësit jo sezonalë përmes kërkesave e kontratave të punës të prezantuara nga punëdhënësve e më 12 dhjetor do të jetë Click day për prezantimin e kërkesave për punonjësit sezonalë.

Sektorët e kryesorë të punësimit do të jenë autotransporti, ndërtimi, turizmi, kantieret detare, mekanika, bujqësia, peshkimi etj.

Afati kohor për praninë e dokumentacioneve të kërkuara do të jetë i kategorizuar sipas viteve; pra 31 dhjetori i 2023 , 31 dhjetor 2024 e 31 dhjetor 2025.

Click day është e ngjashme me një garë telematike ku do të pranohen për punësim kërkesat më të shpejta e deri në plotësimin e numrit të përcaktuar për çdo vit e brenda orarit të përcaktuar.

Sportelli telematik do të shërbejë për pajisjen me leje qëndrimi për punonjësit e huaj pas plotësimit të dokumentacioneve të prezantuar nga punëdhënësi si dhe në rastet kur punonjësi autonom transformon lejen e qëndrim në leje punësimi.

Ky dekret është një përpjekje e qeverisë italiane për të favorizuar emigracionin e ligjshëm e ndihmuar tregun e sistemit të punës që ka nevojë të lartë për krah pune.

Subscribe në YouTube: GAZETA INFOKUSI
Etiketa:
UFC EKSKLUZIVISHT NË ARTMOTION!
-Advertisement-

Të tjera

Fokusi

lajme