Lajme

Istogu tregon vlerën e dëmeve nga vërshimet, shifra milionëshe

Autori: Gazeta inFokus 17:25 | 25 January 2023

Shkaku i reshjeve të fundit, edhe Istogu ishte ndër komunat që u përball me vërshime e dëme të mëdha.

Dëmi nga përmbytjet në këtë komunë, është vlerësuar në mbi 3 milionë euro. Kështu ka konfirmuar Ardon Arifaj, zyrtar për informim i Komunës së Istogut.

“Bazuar në Raportin e 8 komisioneve të formuara nga Kryetari i Komunës, për vlerësimin e dëmeve të shkaktuara nga vërshimet, del se vlera e dëmeve të shkaktuara është mbi tre milion euro (3,000,000.000)”, thotë ai për Indeksonline.

-Advertisement-

Zonat të cilat janë përfshirë nga vërshimet janë: Qyteti i Istogut, Istogu i poshtëm, Shushicë e epërme, Shushicë e Ulët, Syrigana, Dubrava, Kërrnina e epërme dhe e ulët, Osojani, Rakoshi, Prigoda etj.

Siç konfirmon Arifaj, Komuna e Istogut është në kontakt të vazhdueshëm me Institucionet shtetërore dhe Agjencionin e Menaxhimit të Emergjencave.

Ai thotë se e kanë dorëzuar raportin paraprak për dëmet e shkaktuara nga vërshimet dhe presin që sa më parë të bëhet kompensimi dhe riparimi i dëmeve.

Subscribe në YouTube: GAZETA INFOKUSI
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

lajme