Isni Kilaj prezanton programin për Malishevën: Bashkë e themeluam komunën, bashkë do ta zhvillojmë atë
Autori: Gazeta inFokus 18:07 | 30 September 2021
Kandidati i Partisë Demokratike të Kosovës për kryetar të Malishevës, Isni Kilaj përmes një video-adresimi ka shpalosur programin e tij për Malishevën për katër vitet e ardhshme.
Kilaj në paraqitjen virtuale përballë qytetarëve tha se Malisheva është histori krenarie e lavdie për tërë Kosovën, por nuk është komunë që u shërben qytetarëve të saj për shkak të qeverisjes së papërgjegjshme dhe rezultat i një mendësie shpërfillëse e diskriminuese nga një parti provinicale.
“Ne ishim bashkë në ditë të mira e në ditë të vështira. Kur kërkohej mund e sakrificë. Kur duhej të rreshtoheshim në UÇK për lirinë e vendit. Bashkë ishim edhe në përpjekjen për ta bërë Malishevën komunë. Dhe ia arritëm.”, theksoi Kilaj.
Ai tha se qytetarët e Malishevës më 17 tetor e kanë mundësinë të zgjedhin mes dy modeleve: atij të zhvillimit dhe përparimit të Partisë Demokratike të Kosovës ose atij të stagnimit të mëtutjeshëm, popullizimit e fjalëve boshe të partive tjera.
“Jam i vendosur ta transformoj Malishevën. Modelin zhvillimor të udhëheqjes së PDK-së në nivel lokal do ta bart në komunën tonë. Unë kam një plan për këtë, që buron nga ju, nga shumë takime e tubime dhe është i përgatitur me ekspertë të të gjitha fushave. Që trajton secilin problem. Qeverisja jonë do të jetë qeverisje me qytetarët. Që bën planifikim të mirë të investimeve, projekte zhvillimore për punësim. Fuqizim të këshillave të fshatrave. Avancim i rolit të gruas dhe rinisë, si dhe shoqërisë civile në vendimmarrjen lokale. Me ne në qeverisje, Malisheva do të ketë ujë 24 orë, të cilin do ta sigurojmë nga Ujësjellësi Rajonal “Radoniqi”. Me ne në qeverisje, arsimi në Malishevë do të jetë në funksion të zhvillimit. Kujdesi për fëmijët është një prej punëve që më së shumti e vë në pozitë disavantazhi gruan në raport me punësim dhe shkollim. Andaj, do t’i ndërtojmë 3 çerdhe për fëmijë të cilat do të shërbejnë për qëndrimin ditor të tyre aty, por edhe për fillimin e arsimit të hershëm për ta.”, shtoi Kilaj.
Kilaj u zotua se gjatë mandatit të tij do të krijohet një Ndërmarrje Publike lokale për mirëmbajtjen e projekteve dhe hapësirave publike; do të krijohet Parku i Biznesit; do të ndahen grante për bujqit dhe fermerët; do të ndërtohet një Shesh i madh; do të ndërtohen dy kulla muze për rapsodët “Të bijtë e Sefës” dhe Sali, Feriz e Ali Krasniqi; do të rritet numri i bursave, në veçanti për vajzat dhe profesionet deficitare; si dhe do të ofrohet punë praktike në institucionet publike dhe private.
“Bashkë do të jemi edhe në këtë betejë për t’ia kthyer zhvillimin Malishevës, për t’ia kthyer dinjitetin komunës sonë, për ta rikthyer shpresën midis nesh. Me 17 tetor është dita për të vendosur për këtë hap të rëndësishëm për komunën tonë. Në këtë ditë feste për demokracinë le t’i japim jetë e zhvillim komunës duke votuar numrin 177.”, përfundoi ai.
Të tjera
-
Rama takon Jasharin, diskutojnë për shtatoren e Adem Jasharit
Kryetari i Komunës së Prishtinës, Përparim Rama, ka pritur në takim Bekim Jas...
-
Osmani për donacionin në QKUK: Rikthim i dinjitetit për pacientët
Klinika e Mjekësisë Bërthamore në Qendrën Klinike Universitare të Kosovës ësh...
-
Regjistrimi i popullësisë: Komuniteti boshnjak në Kosovë shfaq drojën se numri i tij mund të zvogëlohet
Komuniteti boshnjak në Kosovë shfaq drojën se numri i tij mund të zvogëlohet,...
-
Lṷfta e fundit në Kosovë: Rreth 22 miliardë euro dëme materiale
Institucioni i Avokatit të Popullit po mban një tryezë diskutimi me rastin e ...
-
“Termokos” përmbyll sezonin e ngrohjes
Ndërmarrja “Termokos”, ka përmbyllur sezonin e ngrohjes për vitin 2023-2024. ...
-
Maqedonci në ministerialin e CEDC-së kërkon përkrahje për anëtarësimin e Kosovës në BE dhe NATO
Ministri i Mbrojtjes, Ejup Maqedonci, ka rikonfirmuar edhe një herë orientimi...
-
Ndërpritet konferenca STEMinists’24 nga protestueset, kërkohet përgigje nga ministrja Nagavci për rastin e profesorit Xhevat Krasniqi
Rektori i Universitetit të Prishtinës, Qerim Qerimi nuk përfundoi fjalimin e ...
-
Hoti: Banka Botërore e demantoi propagandën e pushtetit se ka zhvillim ekonomik
Deputeti i Lidhjes Demokratike të Kosovës, Avdullah Hoti, ka thënë se Qeveria...
-
Mbahet seanca e parë e Kuvendit Komunal në objektin e Zubin Potokut
Për herë të parë që pas zgjedhjeve të vitit të kaluar, të premten u mbajt sea...
-
Voton diaspora në Maqedoninë e Veriut, këto janë rezultatet zyrtare
Janë publikuar rezultatet zyrtare të Komisionit Shtetëror të Zgjedhjeve nga r...
-
Aksident mes katër veturash në Veternik, dy të lënduar
Dy persona kanë mbetur të lënduar si pasojë e një aksidenti mes katër veturav...
-
Zeqiri: Kemi punë përpara në funksionalizimin e objektit të Komunës
Ka përfunduar seanca e parë në Kuvendin Komunal të Zubin Potokut. Në seancë m...