Lajme

Ismet Beqiri i gatshëm të kandidojë për kryetar të Prishtinës: Në degën time mposhta VV’në me 60%

Autori: Gazeta inFokus 07:33 | 15 December 2020

Deputeti i LDK-së që është edhe kryetar i Degës së Parë të LDK-së në Prishtinë, Ismet Beqiri ka thënë se ka ambicie për kryetar të kryeqytetit por sipas tij do të vendosin degët.

“Nëse e shohin të arsyeshme degët e Prishtinës, kryetarët e degëve të Prishtinës unë jam njëri nga ata për të cilët do të diskutohet. Unë jam i gatshëm, kam vullnetin dhe përvojën, por degët e Prishtinës vendosin. Me rëndësi është të gjejmë një fitues”, deklaroi Beqiri në Dukagjini.
Beqiri thotë se në zgjedhjet lokale të vitit 2017 në degën që ai drejton Abrashi ka fituar 60% të votave.

“Unë duhet të ulem me kolegët e mi. Degët e Prishtinës duhet të ulen dhe të vendosin”, tha ai.

-Advertisement-

Kryetari i Degës së Parë të LDK-së në Prishtinë thotë se për dallim nga herët tjera kur për Prishtinën është bërë dallime sa i përket nominimit të kandidat për kryetar kësaj nga degët tjera, “kësaj radhe duhet të vendoset njëjtë”.

“Kësaj here ashtu si veprohet me të gjitha degët e LDK-së, Kryesia e LDK-së duhet të veproj edhe me degën e Prishtinës. Ai emër që prodhohet nga degët e Prishtinës duhet të jetë i obligueshëm për ne”, tha ndër të tjera Ismet Beqiri.

Subscribe në YouTube: GAZETA INFOKUSI