Lajme

Ismaili: Pa ngritjen e pagave, nuk do të ketë reforma

Autori: Gazeta inFokus 16:44 | 20 Mars 2018

Sipas Ministrit të Shëndetësisë, Uran Ismailit, nuk mund të ketë reforma në shëndetësi pa ngritjen e pagave për personelin.

Këto i ka thënë gjatë një vizite që i ka bërë Qendrës Klinike Stomatologjike Universitare të Kosovës në ditën e shëndetit oral, shkruan Infokusi.

Ministri Ismaili tha se kanë nisur një reformë, e cila sipas tij duhet të jetë reformë praktike që bazohet në atë që e vendosë pacientin në qendër të vëmendjes dhe që mbështetë profesionistët shëndetësor për ta kryer këtë shërbim.

-Advertisement-

“Shëndetësia ka mbetur e nënfinancuar në Kosovë, do të thotë është shumë e nënfinancuar, ka qenë për një kohë të gjatë e nënfinancuar. Si e tillë, e ka krijuar një situatë ku gjithçka është jashtë standardit të vet në pajisje, investime kapitale, qoftë në ndërtesa. Do të thotë çdo gjë është jashtë normales që ish dashur të jetë”, tha ndër të tjera Ismaili.

Ndërkaq, Anëtari i bordit të SHSKUK-së, Fatmir Dragidella, tha se reformat në shëndetësi mund të vijnë vetëm me njerëz të rinj, ndërsa u shpreh optimist se me përkrahjen e ministrisë mund të arrijnë që në të ardhmen të kenë një ndërtesë të re, pasi sipas tij operojnë në ndërtesën më të vjetër në QKUK.

“Reformat kanë me u bë pavarësisht se a dëshirojmë ne apo nuk dëshirojmë. Këto synimet që i kemi ne për zhvillimin e stomatologjisë në Kosovë janë synime të arritshme, janë reale, nuk janë diçka imagjinare. Ne e kemi një buxhet jashtëzakonisht të vogël për shërbime dhe mallra që është qesharak, mirëpo atë buxhet për çdo vit po e shfrytëzojmë ashtu qysh po e shfrytëzojmë na kemi arritur që kjo ndërtesë të duket pak më ndryshe”, tha ai. /INFOKUSI.COM/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy