Ishte i vetmi djalë i familjes dhe i rritur jetim – Si erdhi deri tek vdekja e të riut mitrovicas Ermal Delija?
Autori: Gazeta inFokus 18:48 | 16 January 2022
Visar Rexha, që është burri i motrës së djaloshit të ri Ermal Delija që ndërroi jetë dje në Mitrovicë disa muaj pasi u sulmua nga dy persona dhe kishte rënë dy herë në koma ka dhënë detaje për rastin.
Rexha nëpërmjet një postimi në Facebook ka sqaruar se si ka ndodhur rrahja e Ermalit, situatën shëndetësore të tij, rënien dy herë në koma dhe natën e mbrëmshme ku edhe ndërroi jetë Ermali.
Ai ka thënë se Ermali pas rrahjes ishte dërguar në spital pa vetëdije dhe kishte rezultuar me dy hemorragji cerebrale të cilat i kishte tejkaluar me anë të terapive përkatëse. Ai pas zgjimit nga koma kishte humbur 50 përqind të peshës trupore dhe nuk mund të ushqehej mirëfilli.
Pas një kohe në shtëpi, Ermali ndihej i lodhur dhe iu shfaq një problem në frymëmarrje që rezultoi të ishte shkaktuar nga një enjtje në rrugët e frymëmarrjes. Pas operimit, Ermali nuk arriti të mbijetojë.
Ai ka lënë pas vetës nënën dhe tri motra si djali i vetëm i familjes i rritur jetim.
Postimi i plotë:
Për të gjithë qytetarët e Mitrovicës dhe të gjithë Kosovës.
Ermal Delija,26 vjeçari mitrovicas ka ndërruar jetë mbrëmë rreth orës 23:00 në QKUK në Emergjencë.
Ermali para disa muajve është sulmuar fizikisht në befasi nga një person i cili ka qenë i shoqëruar nga dikush,ku sulmuesi e ka goditur Ermalin në kokë dhe i ka shkaktuar plagë të rëndë,me të rënë në tokë Ermali është lënduar edhe më shumë si pasojë e rënjes me kokë në trotuar të rrugës.
Me anë të autoambulancës Ermali atë natë është dërguar në QKUK pa vetëdije në gjendje kome,pastaj është trajtuar tutje në repartin intenziv të QKUK-së për rreth një muaj.Në bazë të inqizimeve CT dhe analizave të thella,Ermali ka rezultuar me dy hemorragji celebrale në tru,si pasojë e goditjeve të rënda nga sulmuesi.
Ermali për dy javë e më shumë ka qëndruar në gjendje kome duke u trajtuar intenzivisht me oksigjen dhe terapi përkatëse.Pasiqë u zgjua nga koma,Ermali kishte humbur rreth 50% të peshës trupore dhe nuk mund të ushqehej vetë përmes gojës por vetëm me infuzione e mënyra tjera nga mjekët.
Pasi që hemorragjia celebrale i tërhiqet dhe mjekët e konstatojnë se mund të lirohet nga spitali atëher me anë të fletlëshimit nga QKUK Ermali lirohet për në shtëpi ku edhe më tutje vazhdon të marrë terapinë e caktuar nga mjekët në QKUK.
Ermali tejet i lodhur dhe me imunitet pothuajse zero fillon ti shfaqet një problem me frymëmarrje,dhe gjendja shumë shpejt shkoi duke iu keqësuar. Si pasojë e këtij problemi Ermali pa mbërrirë me shku në spital i bie të fikët në shtëpinë e tij si pasojë e mosfurnizimit të mjaftueshëm me oksigjen në tru.
Në atë moment Ermalin e marrin motrat me nënën dhe me disa nga fqinjët e tyre dhe e dërgojnë në Spitalin e Mitrovicës nga ku dërgohet për në QKUK me autoambulancë.Mjekët aty e konstatojnë se Ermalit iu ka shfaqur një infeksion dhe enjtje në kanalin e frymëmarrjes dhe vendosin ta operojnë,por atij fillon ti ulet pulsi e zemrës në mënyrë rapide dhe pas dhënjes së adrenalinës ai prap nuk mundi të mbijetoj.
Ermali vdiq mbrëmë me dt. 15.01.2022 si pasojë e mosfurnizimit me oksigjen në tru e cila i erdhi si pasojë e gjendjes fillestare që kishte.
Kjo është historia tragjike e Ermalit,djalë i vetëm i nanës Elheme dhe vëlla i vetëm i tri motrave,Ermirës,Elvirës dhe Erblinës, të cilave ua ndali në gjysmë ëndrrën për ta martuar me dasëm e krushqi vëllanë e vetëm që kishin.
Zoti ua qoftë durimin dhe shëndetin familjes së Ermalit,miqëve dhe shokëve dhe tërë Mitrovicës,e ata që u bënë shkaktarë për këtë tragjedi e tërë këtë dhimbje,pa kurrfarë asrye bindëse por nga mëria e vetëgjyqësia,shpresojmë te Drejtësia e Organeve Kompetente të Kosovës për të vënë drejtësi dhe natyrisht Zoti ua dhashtë atë që meritojnë!
Të tjera
-
Kosovari që u arrestua nën pretekstin për kri*me lu*fte në Serbi, nesër del para gjykatës
Kosovari që u arrestua nën pretekstin për krime lufte në Serbi, nesër del par...
-
Lirohet zëvendësdrejtori i Policisë së Kosovës që u arrestua nga Serbia
Zëvendësdrejtori i Policisë së Kosovës, Dejan Jankoviq, që u ndalua në kufi n...
-
Të shtëna armësh në Prishtinë
Mbrëmjen e sotshme në Prishtinë, në afërsi të një pompe derivatesh, ka pasur ...
-
Gazeta ukrainase: Më e udhës Kyivi ta zgjedh partnere Kosovën se Beogradin prorus -humbje historike për Serbinë në Strasburg
Asambleja Parlamentare e Këshillit të Evropës (PACE), të martën në mbrëmje vo...
-
Hoxhaj në Austri takon ish-kancelarin Kurz dhe deputetë austriakë, ka një kërkesë për ta
Ish-ministri i jashtëm i Kosovës, Enver Hoxhaj, gjatë një vizite në Austri, k...
-
Prindon Sadriu i gëzohet çmimit që e mori Presidentja: Krenar me ty
Presidentes së Kosovës Vjosa Osmani i është ndarë çmimi Evropian nga shoqëria...
-
Maqedonci ngre alarmin: Serbia nesër do të testojë dronë kamikazë në kufi me Kosovën
Ministri i Mbrojtjes, Ejup Maqedonci 24 orë pas bllokimit në kufi me Serbinë ...
-
Gërvalla takon ambasadorin amerikan – diskutuan për këto çështje
Ministrja e Punëve të Jashtme dhe Diasporës, Donika Gërvalla, ka zhvilluar ta...
-
ShBA do të vërë veton ndaj anëtarësimit të Palestinës në OKB
ShBA do të ushtrojë të drejtën e vetos nesër në një takim të Këshillit të Sig...
-
I vazhdohet paraburgimi Thaçit, Veselit dhe Bahtjarit
Në Dhomat e Specializuara të Kosovës (DhSK) në Hagë është marrë vendim për të...
-
Panairi i Kantonit, një mundësi për zgjerimin e komunikimit në fushën e biznesit
Kryeministri kinez Li Qiang u shpreh gjatë takimit me biznesmenët e huaj, pje...
-
Lëkundje të forta tërmeti në Turqi
Një tërmet më magnitudë 5.6 ballë është regjistruar në Turqi në provincën e T...