Lajme

“Ishte fitorja e parë e kauzës kombëtare” –Limaj kujton 19 vjetorin e lirimit të tij nga Haga

Autori: Gazeta inFokus 11:40 | 30 November 2024

Kryetari i NISMA-s, Fatmir Limaj, ka kujtuar sot lirimin e tij nga Gjykata e Hagës para 19 vitesh. Në një video të publikuar në profilin e tij, Limaj ka rikthyer momentin kur atij i është kumtuar nga Gjykata Hagës se lirohet nga të gjitha pikat e aktakuzës.

“Sot bëhen 19 vite nga lirimi im nga Haga, nga ai proces përmes të cilit bota e mbarë e kuptoi historinë e tërë të popullit të Kosovës, që ishte ngritur në këmbë për t’i dhënë krah luftës sonë të drejtë për liri e çlirim, kundër një okupatori e agresori historikisht shtypës e famkeq, siç ishte Serbia”, ka shkruar Limaj.

Ai ka thënë se më e madhe se pesha e lirimit, ishte fitorja e parë e kauzës kombëtare para syve të botës, përmes drejtësisë kombëtare.

-Advertisement-

“Më e madhe së sa pesha e lirimit tim, ishte fitorja e parë e kauzës sonë kombëtare para syve të botës, përmes drejtësisë ndërkombëtare.

Ndjehem krenar qe ky proces perveç se ka mbetur fitorja e parë e drejtësisë, është aktgjykim i cili po mbetet bazament në dëshminë e pastërtisë së luftës së drejtë në çdo betejë, andaj pres sa më parë kthimin e bashkëluftëtarëve tanë nga Hagë, dhe shënimin përfundimtar të fitores së luftës së drejtë të UÇK-së për çlirim e liri”, ka përfunduar Limaj.

 

Subscribe në YouTube: GAZETA INFOKUSI
Viva Fresh Store triumfon në çmimet Best Buy Award 2024/2025 në Kosovë!
-Advertisement-

Të tjera

Fokusi

lajme