Lajme

A ishte Avdullah Hoti në partinë e Bukoshit? Ky është sqarimi i LDK’së

Autori: Gazeta inFokus 15:17 | 20 May 2017

Lidhja Demokratik e Kosovës ka sqaruar se Avdullah Hoti, kandidat për Kryeministër, ka sqaruar se ai asnjëherë s’ishte pjesë e partive tjera. As e Partisë së Bujar Bukoshit.

LDK ka sqaruar se emri i publikuar në Partinë e Bukoshit është një Avdullah tjetër, një mjek, i cili ishte pjesë e PREK’ut, por jo kandidati për Kryeministër i kësaj partie.

“Lidhja Demokratike e Kosovës dëshiron të sqarojë që lajmi se kinse kandidati i LDK-së për kryeministër, z.Avdullah Hoti ishte pjesë e partisë së z.Bujar Bukoshi, nuk është i vërtetë. Lidhja Demokratike e Kosovës bën të ditur se z. Avdullah Hoti aktivitetin e tij politik e ka filluar në vitin 2006, si pjesë e LDK-së, ndërsa personi për të cilin flitet e ka të njëjtin emër dhe mbiemër, por është tjetër dhe me profesion mjek. Lidhja Demokratike e Kosovës kërkon nga mediet që të jenë korrekte dhe që lajmet të verifikohen konform stndardeve më të larta të gazetarisë, sidomos në këtë fazë, kur po i afrohemi fushatë parazgjedhore”, thuhet në reagimin e LDK’së.

-Advertisement-

_____________________________________________

Kandidati për Kryeministër nga LDK ishte në Partinë e Bujar Bukoshit

Avdullah Hoti, karrierën politike nuk e nisi në partinë, nën petkun e së cilës më 11 qershor po e kërkon postin e kryeministrit.

Para se të kaloj në Lidhjen Demokratike të Kosovës, Avdullah Hoti ishte pjesë e partisë që drejtohej nga ana e Bujar Bukoshit.

Ai madje, ishte në listën zgjedhore të PREK-ut, dhe mbante numrin rendor 78.

PREK-u i Bujar Bukoshit, pjesë e së cilës ishte edhe kandidati aktual për kryeministër nga LDK, kishte pësuar humbje të thellë në zgjedhje.

Megjithatë, sot, Hoti, i cili është ndër bashkëpunëtorët më të ngushtë të kryeministrit në detyrë, Isa Mustafës, nga LDK po shihet si kandidati më serioz për të marrë drejtimin e Qeverisë së Kosovës, raporton Gazeta Blic.

Hoti, ishte edhe nënkryetar i Komunës së Prishtinës, gjatë kohës sa Isa Mustafa e drejtonte Kryeqytetin.

Në zgjedhjet e vitit 2014, Hoti ishte pjesë e Listës Zgjedhore të LDK-së, i cili më arritjen e koalicionit PDK- LDK, ishte emëruar si ministër i Financave.

Asistenti i Isa Mustafës në Fakultetin Ekonomik të UP-së, është cilësuar nga “shefi” i tij, si një ndër ministrat më të suksesshëm.

Pas rrëzimit të Qeverisë përmes mocionit të iniciuar nga opozita, Isa Mustafa u tërhoq nga gara për kandidat si kryeministër, duke ia lëshuar vendin njeriut më të afërt dhe më të besueshëm- Avdullah Hotit.

Subscribe në YouTube: GAZETA INFOKUSI
UFC EKSKLUZIVISHT NË ARTMOTION!

Të tjera