Lajme

Ish-ministri serb si parashikues: Kurti s’do të pranojë formimin e Asociacionit në takimin e 27 shkurtit

Autori: Gazeta inFokus 09:45 | 20 February 2023

Ish-ministri serb i Mbrojtjes, Dragan Shutanovac, ka thënë se kryeministri i Kosovës Albin Kurti nuk do ta pranojë formimin e Asociacionit në takimin e paralajmëruar më 27 shkurt në Bruksel, ku do të marrë pjesë edhe presidenti serb Aleksandar Vuçiq.

Shutanovac ka theksuar se në Konferencën e Sigurisë në Mynih, sekretari amerikan i shtetit Anthony Blinken nuk është takuar me Kurtin, por me Vuçiqin.

“Kurti ëndërronte të ishte presidenti ukrainas Volodymyr Zelensky dhe tani ka vendosur të bëhet (revolucionar) si Che Guevara dhe të vuajë në duart e Perëndimit”, tha Shutanovac.

-Advertisement-

Përfaqësuesi i lartë i BE-së për politikë të jashtme dhe siguri, Josep Borrell, ka thirrur për 27 shkurt takimin në nivel të lartë mes kryeministrit të Kosovës, Albin Kurti, dhe presidentit të Serbisë, Aleksandar Vuçiq.

“Pjesëmarrjen e kanë konfirmuar presidenti i Serbisë, Aleksandar Vuçiq, dhe kryeministri i Kosovës, Albin Kurti”, thuhet në komunikatën e Bashkimit Evropian.

Shutanovaci ka thënë tutje se “është i bindur se Asociacioni i Komunave Serbe do të formohet pa Kurtin”.

Subscribe në YouTube: GAZETA INFOKUSI
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

lajme