Lajme

Ish-kryetari i Apelit: Kurti mund të gjobitet apo të sillet me forcë nëse refuzon ftesën për të dëshmuar

Autori: Gazeta inFokus 17:45 | 16 December 2024

Hasan Shala, ish kryetar i Gjykatës së Apelit, tha në Frontal në T7 se cilido prokuror që do të shkonte në zyrën e kryeministrit Albin Kurti për t’ia marrë atij dëshminë e kërkuar, do ta shkelte kodin e procedurës penale.

Ai tha se “kryeministri duhet të jetë shembull” dhe të paraqitet para organit të akuzës dhe t’i përgjigjet në mënyrë korrekte ftesës së Prokurorisë Speciale.

Sot, Shala tha se Kurti “e ka arsyetuar mungesën”, por tha se kërkesa e tij që prokurorët t’i presë në zyrë në një datë tjetër, është e paarsyeshme.

-Advertisement-

Ai tha se neni 129, paragrafi 5 i kodit të procedurës penale e përcakton këtë.

“Kërkesa e tij që të shkojnë prokurorër dhe ta marrin dëshminë e tij në zyrë, unë konsideroj që është kundër kodit të procedurës penale për shkak se janë të përcaktuar saktë rastet se kur mund të shkojë prokurori apo gjyqtari ta marrë dëshminë”, tha ai, duke theksuar se prokurorët duhet të shkojnë t’ia marrin dëshminë një dëshmitari vetëm në rast se ai është në moshë të thyer dhe s’mund të vijë, apo kur dëshmitari është i sëmurë.

Shala, tash avokat, tha se kodi i procedurës penale parasheh masa diciplinore si gjobë, në rast se ai nuk do ta arsyetonte mungesën. Ai tha se kryeministri mund të sillet me forcë në Prokurori në rast se ai refuzon thirrjen.

Ai tha se Kurti “duhet ta japë kontributin e vet për zbardhjen e çështjes”.

Subscribe në YouTube: GAZETA INFOKUSI
KosovaMed përmbyll vitin me sukses – dhuron donacione për QKMF-në e Junikut
-Advertisement-

Të tjera

Fokusi

lajme