Lajme

Ish-kryemyftiu Rexhepi që u martua me një vajzë 50 vjeçare më të re thotë se nuk e ka merituar të shkarkohet

Autori: Gazeta inFokus 23:37 | 16 November 2020

Ish-kreu i Bashkësisë Fetare Islame (BFI) Sulejman Rexhepi, në një intervistë për TV21 ka folur për gjendjen dhe zgjedhjet në BFI.

Ai tha se nuk e ka merituar të shkarkohet në mënyrën që u shkarkua, duke shtuar se personat që e shkarkuan tani nuk i flasin dhe krenohen me punët e tij.

Në lidhje me kandidatët për reis të BFI-së, Rexhepi tha se ata kanë lidhje të dyshimta.

Ish-reisi gjithashtu tha se nuk ka lejuar asnjëherë ndërhyrje të subjekteve politike në BFI.

Ai u shkarkua me 27 maj, me dy të tretat e votave të riasetit të BFI-së.

Në deklaratën e lexuar nga myftiu i Gostivarit, Shaqir Fetahu, thuhet se Rexhepi u shkarkua nga detyra për shkak të shkeljes së Kushtetutës së BFI-së, respektivisht nenit 36.

Në këtë nen, veç tjerash, thuhet se kryetari i BFI-së shkarkohet kur “nuk i kryen obligimet për të cilat është zgjedhur, kur qëndrimi dhe puna e tij janë në kundërshtim me normat islame dhe aktet normative të BFI-së, kur punon kundër dispozitave dhe vendimeve të organeve kompetente të BFI-së, kur keqpërdor pozitën në dëm të interesave të BFI-së”.

Vendimi për shkarkimin e Rexhepit vjen pas një sërë veprimesh nga ai, që kanë nxitur reagime në opinionin e gjerë, përfshirë edhe për aktin personal të martesës.

Të tjera