Lajme

Ish-Kryeministri nuk flet me Ministrin e Brendshëm, u takuan sot në sheshin e Podujevës

Autori: Gazeta inFokus 15:37 | 28 November 2020

Festa e 28 Nëntorit e gjeti në heshtje zgjedhore Llapin e Zahir Pajazitit. Megjithatë, në Ditën e Flamurit busti i tij u vizitua nga i pari i Vetëvendosjes, Albin Kurti dhe kandidati për kryetar të Podujevës, Shpejtim Bulliqi.

Këta të dy bënë homazhe te shtatoret e heronjve Zahir Pajaziti, Hakif Zejnullahu, Edmond Hoxha dhe Ilir Konushevci, pas vizitës në Prekaz që bëri Kurti.

Por, nga ana tjetër edhe bashkëvendësi i tij, Agim Veliu me bashkëpartiakun e tij Arban Abrashi, dolën në shesh.

-Advertisement-

Dhe në një vend të vogël si Podujeva është i pashmangshëm takimi mes kundërshtarëve politikë.

Agim Veliu ka thënë se edhe pse e ka parë ish-shefin e tij nuk e ka përshëndetur.

“Unë kam dal me Arban Abrashin në sheshin e Podujevës dhe jo për të bërë fushatë. Në shesh ishin edhe Albin Kurti dhe Shpejtim Bulliqi, por nuk folëm. Kurti s’e meriton as me komunikue”, ka thënë Veliu për Klanin.

Megjithatë, Bulliqi ka thënë se nuk e ka parë as njërin as tjetrin.

“Unë dhe Kurti jemi me një çajtore të qytetit pas homazheve që bëmë te shtatoret e heronjve në shesh”, ka thënë Bulliqi.

Subscribe në YouTube: GAZETA INFOKUSI

Të tjera

Fokusi

lajme