Lajme

Ish-kryeministri Hoti e kritikon Qeverinë Kurti se po e mban peng Ligjin e pagave

Autori: Gazeta inFokus 14:30 | 10 December 2021

Ish- kryeministri i Kosovës, Avdullah Hoti ka reaguar për Ligjin e pagave dhe për shqetësimet e sindikatave, shkruan Gazeta Infokus.

Hoti ka thënë se ky ligj është pothuajse i gatshëm nga qeveria paraprake, por edhe pas 9 muajve ende nuk është sjellë në Kuvend.

“Po bëhen 9 muaj dhe ende Ligji i pagave në sektorin publik nuk është sjellë në Kuvend. Ky ligj ka qenë pothuajse i gatshëm në qeverinë paraprake, ku janë adresuar vërejtjet e Gjykatës Kushtetuese. Ne do ta diskutojmë me shumë kujdes amendamentin për ndarjen e mjeteve për paga ”, ka shkruar Hoti.

-Advertisement-

Deputeti i LDK-së shtoi se deputetë të opozitës me të drejtë marrin nisma për ndarje të buxhetit për paga.

“Me këtë vonesë të procedimit në Kuvend të ligjit për paga në sektorin publik dhe mosinteresim të qeverisë për të adresuar shqetësimet e sindikatave, me të drejtë deputetë të opozitës marrin nisma për ndarje të buxhetit për paga”, ka shkruar Hoti.

Hoti gjithashtu tha se qeveria në vend të dialogut social me sindikata për të gjetur një zgjidhje, po shohim konfrontime qeveri-sindikata.

Është obligim shtetëror që sindikatat të jenë pjesë substanciale e konsultimeve për ligjin e pagave, si dhe për shumë ligje dhe vendime të tjera shtetërore. Në vend të dialogut social me sindikata për të gjetur të përballueshme për buxhetin dhe që do të ishte e pranueshme për të gjithë, ne po shohim konfrontime qeveri-sindikata dhe tendencë për ndërhyrje të qeverisë në pavarësinë e organizimit sindikal në Kosovë. Kjo sjellje është e papranueshme”, ka shkruar Hoti.

Kujtojmë se Kuvendi në seancën që do të mbahet më 22 dhjetor, do ta votojë buxheti për vitin 2022./Gazeta Infokus/

Subscribe në YouTube: GAZETA INFOKUSI
Etiketa:
Artmotion vjen me Super Zbritje – Mos e humb!
-Advertisement-

Të tjera

Fokusi

lajme