Ish-komandanti i UÇK-së hedhë akuza të rënda: Vizita e ministres Haxhiu në Hagë lidhet me planin për arrestime të reja
Autori: Gazeta inFokus 08:21 | 05 May 2022
Ish-krerët e Ushtrisë Çlirimtare të Kosovës që po mbahen në Hagë tashmë do të përballen edhe me akuza të reja.
Kjo pasi që gjatë ditës së djeshme Dhomat e Specializuara kanë njoftuar se ndaj tyre është zgjeruar aktakuza.
Bëhet fjalë për ish-presidentin e Kosovës, Hashim Thaçin, ish-kryetarin e PDK-së, Kadri Veselin, zëdhënësin e UÇK-së, Jakup Krasniqin dhe ish-komandantin Rexhep Selimi.
Anekset e aktakuzës, sipas faqes zyrtare të Dhomave të Specializuara të Kosovës, u dorëzuan nga Prokuroria e Specializuar e kryesuar nga Jack Smith.
E, nga zgjerimi i kësaj aktakuze në media është raportuar që mund të ketë edhe arrestime të tjera.
Madje, është raportuar që janë 13 ish -pjesëtarë të UÇK-së, që mund të arrestohen së shpejti.
Lidhur me këto pretendime dhe zgjerimin e aktakuzës, për FrontOnline ka folur ish- komandanti i UÇK-së në Koshare, Hisen Berisha.
Berisha ka deklaruar se për këtë ai ka pasur dyshimet e tij në momentin kur është rritur numri i policëve të EULEX-it në Kosovë dhe vizita në Hagë e ministres së Drejtësisë, Albulena Haxhiu.
“Rritja e numrit të policëve të EULEX-it, edhe pse kësaj të fundit i ka skadu mandati në 2018-tën, e po ashtu pas vizitës së ministres së Drejtësisë, në Hagë dhe takimit me kryetaren e atij trupi gjykues po dyshoj që kemi të bëjmë me një plan tjetër të arrestimeve. Unë e kam pas këtë dyshim timin lidhur me atë vizitë edhe në seancën e parlamentit sepse ka qenë plotësisht e paarsyeshme vizita e saj kur e din mirë se çfarë qëndrime ka mbajtë ndaj atyre që mbahen në Hagë dhe nuk ka kërkua falje publike asnjëherë për linçimin e tyre dhe akuzimin e tyre për kriminel”, është shprehur Berisha për FrontOnline.
Kurse për zgjerimin e aktakuzës ndaj katërshës së UÇK-së, Berisha ka pohuar se me këtë po punohet që ish-krerët e UÇK-së të dënohen e jo të vendoset drejtësia.
“Tash pas sa kohe aty po procedohet me ngritje të aktakuzave dhe marrje në pyetje të dëshmitarëve dilet në një diçka tjetër që konsiderohet zgjerim të aktakuzave e që në fakt janë krejtësisht akuza të reja e që do të thotë i bijnë në një situatë jo funksionale edhe trupën mbrojtëse, edhe palën e bijnë në një situatë shqetësuese se aty po punohet me qëllim të dënimit të tyre e jo të vendosjes së drejtësisë e ky është një dallim i madh i proceseve gjyqësore”, ka shtuar ndër të tjera ai.
Sipas Berishës që nga momenti kur Kuvendi i Kosovës, ka miratuar themelimin e kësaj gjykate shqetësuese është joserioziteti i trupës gjykuese.
Ai po ashtu ka përmendur edhe dorëheqjet e një pas njëshme të prokurorëve e për të cilat ka thënë se edhe kjo mbetet shqetësuese.
Më 5 nëntor bëhen dy vjet që kur ish-presidenti i Kosovës, Hashim Thaçi, ish-kryetari i PDK-së, Kadri Veseli, dhe ish-komandanti i UÇK-së, Rexhep Selimi u transferuan për në qendrën e paraburgimit në Hagë.
Ndërsa, më 4 nëntor ishte arrestuar ish-zëdhënësi i UÇK-së, Jakup Krasniqi.FrontOnline
Të tjera
-
Kurti, QUINT-it: Dialogu dhe anëtarësimi në KiE nuk duhet të përzihen
Kryeministri i Kosovës, Albin Kurti, i shoqëruar nga zëvendëskryeministri i p...
-
Lavrov flet në telefon për Kosovën me Bërnabiqin, Daçiqin e Gjuriqin
Ministri i Punëve të Jashtme të Rusisë Sergej Lavrov ka biseduar në telefon ...
-
Menduh Thaçi për Taravarin: Po a e dini sa ka vjedhë ai?
Menduh Thaçi i PDSH-së tha se ish-kandidati për president Arben Taravari “ka ...
-
Kurti takoi sot shefin e OSBE-së në Kosovë dhe ambasadorin e Zvicrës
Kryeministri Albin Kurti, ka mirëpritur gjatë ditës së sotme shefin e OSBE-së...
-
Lladrovci për Luan Haradinajn: Luani i UÇK-së, shtigjet e lirisë i njihte cep më cep, si fletë të historisë, ai i dinte përmendësh
Kryetari i Komunës së Drenasit, Ramiz Lladrovci dhe bashkëluftëtar të tjerë k...
-
Maqedonci: Evropa duhet të jetë e gatshme ndaj kërcënimeve të Rusisë
Delegacioni i Kosovës i udhëhequr nga zëvendëskryeministrja dhe ministrja e P...
-
Ngriten çmimet e paketave turistike në Shqipëri, operatorët fajin ia lënë kursit të euros
Paketat turistike për këtë sezon veror pritet të jenë më të shtrenjta krahasu...
-
Zhduket 30 vjeçarja nga Ferizaj – familjarët kërkojnë ndihmë, Policia në kërkim të saj
Mëngjesin e së hënës është zhdukur një vajzë 30 vjeçare nga Ferizaj. Lajmi u ...
-
DASH: Escobar nuk është shkarkuar, emërohet në një pozitë tjetër
Ndihmës sekretari amerikan i Shtetit Gabriel Escobar nuk është shkarkuar nga ...
-
Ish-koloneli i policisë: Bandat serbe po e vazhdojnë strategjinë e tyre me sulmet ndaj PK-së dhe KFOR-it
Rrahman Sylejmani, ish-kolonel i Policisë së Kosovës, ka thënë se sulmet që p...
-
“Kemi bërë 4 arkivolë, nusen do e përcjellim me 3 fëmijët”, flet vëllai i Edison Arrazit: Nuk është ushtruar dhunë…
Flet Edison Arrazi, vëllai i të dyshuarit Erdgys Arrazi: Është një ngjarje sh...
-
Gërvalla: Paqja në Evropë mund të sigurohet vetëm duke ndalur të gjithë së bashku Rusinë dhe Serbinë
Duke diskutuar rreth temës “Siguria Rajonale – Sfidë për Evropën”, bashkë me ...