Lajme

Ish-këshilltari i Thaçit: Gënjeshtrat e Borrellit vërtetojnë politizimin e gjyqit kundër krerëve të UÇK-së

Autori: Gazeta inFokus 15:04 | 14 December 2022

Ish-këshilltari i ish-presidentit Hashim Thaçi, Artan Behrami, ka reaguar ndaj Përfaqësuesit të Lartë të diplomacisë për BE, Josep Borrell, për deklaratat e tij për lidhur me Thaçin.

Behrami është shprehur se deklaratat e Borrellit e dëshmojnë dhe një herë politizimin e skajshëm të procesit gjyqësor, me të cilin po mundohen të krijojnë një balancë artificiale ndërmjet viktimave dhe agresorit.

Në një shkrim në Facebook, Behrami i ka quajtur “gënjeshtra skandaloze”, deklaratat e Borrelit dhe ka thënë se e vërtetojnë politizimin e procesit gjyqësor kundër ish-krerëve të UÇK-së.

-Advertisement-

Tutje, ka përmendur disa çështje për ta qartësuar deklaratën e tij.

“Fillimisht, presidenti Thaçi ka dhënë dorëheqje si President i Republikës së Kosovës për t’u përballur me akuzat kundër tij. Ai asnjëherë nuk është arrestuar, por është vetëdorëzuar!

Pra, është vetëdorëzuar, pasi ka dhënë dorëheqje. Ai nuk është duke u mbajtur në Amsterdam, por në Sheveningen të Hagës. Por, sa për dijeni të z. Borrell, Dhomat e Specializuara nuk janë mekanizëm i BE-së, por i Kosovës. Ndoshta ai e ka pasur fjalën për Prokurorinë, e cila është shndërruar në mekanizëm të BE-së për shantazh ndaj Kosovës dhe për ndryshim të historinë së Kosovës. Ligjërisht, as Prokuroria nuk është mekanizim i BE-së, por praktikisht po.”, ka shkruar Behrami.

Subscribe në YouTube: GAZETA INFOKUSI