Lajme

Ish-ilegalët e integruar nuk i japin llogari Prishtinës

Autori: Gazeta inFokus 07:19 | 26 June 2018

Ish-pjesëtarët e Mbrojtjes Civile, formacion ky ilegal të cilin Qeveria ishte pajtuar ta integrojë në radhët e veta, nuk ushtrojnë funksione në pajtim me ligjet e Kosovës.

Ata nuk janë të përgjegjshëm dhe nuk u japin llogari institucioneve të Kosovës, shkruan sot Koha Ditore.

Kjo e dhënë është evidentuar në raportin e fundit të Qeverisë për nivelin e zbatimit të marrëveshjeve që për adresë ka pasur Brukselin zyrtar. Megjithatë që nga shkurti i vitit 2016, këtyre pjesëtarëve u dalin pagat në xhirollogaritë e tyre nga buxheti i Kosovës.

-Advertisement-

“Edhe pse 483 persona të integruar kanë kontrata me institucionet e Kosovës, ata në praktikë nuk ushtrojnë funksione në pajtim me ligjet e Kosovës. Personat e integruar nuk janë të përgjegjshëm dhe nuk i raportojnë institucioneve të Kosovës. Ka mungesë bashkëpunimi në nivelin sektorial ndërmjet institucioneve të Kosovës dhe personave të integruar”, shkruan në dokumentin e Qeverisë.

Aty flitet edhe për problemet e tjera rreth kësaj strukture, sikurse mungesa e objekteve, materialeve dhe hapësirave për t’i përmbushur detyrat.

Subscribe në YouTube: GAZETA INFOKUSI
Etiketa:

Të tjera

Fokusi

lajme